في ذكرى ميلاد ميرنا المهندس.. معلومات لا تعرفها عن «بركسام»
الملامح الجميلة الهادية، نسمة الهوا اللي بتظهر وتختفي وبتسيب في خيالنا أثر جميل عمره ما يتنسي، هى ديه الفنانة ميرنا المهندس اللي من أول ما اتولدت في يوم 1-10-1978 قررت أنها تبقى نسمة هوا فنية في عز الصيف :)
وعشان كده النهاردة لازم نحتفل بعيد ميلادها بإننا نفتكر سوا تاريخها من خلال معلومات بعضكوا ممكن يكون مش عارفها :)
- كانت طالبة في معهد الباليه
- أول ظهور ليها على الشاشة كان من خلال مجال الإعلانات التجارية في إعلان تويست ويفر.
- اكتشفها المخرج أحمد عبد السلام ودخلها المجال الفني .
- بدايتها الفنية كانت من خلال فيلم مستر دولار سنة 1993
- الإنطلاقة الحقيقية لها كان من خلال دور بركسام في مسلسل أرابيسك.
- دورها في مسلسل ساكن قصادي من أشهر أدوارها الكوميدية.
- صديقتها المقربة هى ريم البارودي.
- بتعشق الفن وجو الكاميرا و الإضاءة.
- بتحب الغنا.
- من أنجح المسلسلات اللي عملتها كانت مع العدل الجروب.
أعمال عمرنا ما ننساها ليها
ليلى في مسلسل ساكن قصادي، حورية في يوميات ونيس ظهرت فيه في أواخر الجزء الثالث، بركسام في مسلسل أرابيسك، ناتاليا في مسلسل محمود المصري، بحرية في فيلم العيال هربت وغيرها.
- وعلى الرغم إن نسمة الصيف رحلت عننا إلا أنها هتفضل سايبة فضول جوانا إننا ندور على أعمالها ونتفرج عليها عشان نحس بنسمة الصيف من تاني :)
