خروجتك عندنا.. آخر أسبوع عرض لمسرحية «1980 وانت طالع»
لو كنت بتسمع عن مسرحة «1980 وانت طالع» ولسه محضرتهاش لحد دلوقتي، فالأسبوع ده هو الفرصة الأخيرة ليك لحضور العرض. وعشان كده بنرشحلك حضور العرض النهارده.
صفحة المسرحة على موقع التواصل الاجتماعي أعلنت إن الأسبوع ده هو الأسبوع الأخير للعرض وقالت «سنة و3 شهور عرض متواصل تعبنا قوى وفرحنا قوى، ساعات كنا بنخاف بس إنتوا كنتوا بتقوونا حاربنا كتير ومارضيناش نقولكوا، حلمنا حلم كبير إتحقق منه حاجات لكن مش كل الحلم إتحقق فاضلنا إسبوع ونقف».
«مش عارفين هنرجع تانى ولا لأ مش عارفين هنعمل حاجة جديدة ولا مش هنعرف وخايفين نعمل حاجة جديدة وماتنجحش نفس النجاح وعايزين نقولكوا، كانت اجمل ايام عشناها فى حياتنا».
فريق مسرحية «1980 وانت طالع» دعا في رسالته لحضور آخر أسبوع لعرضهم بداية من النهاردة الساعة 8 بليل ولحد يوم الجمعة.. المسرحية بتتعرض على مسرح «الهوسابير» في وسط البلد.
مواعيد عرض حفلات باقي الإسبوع - الثلاثاء العرض الساعة ٥ - الأربعاء العرض الساعة ٨ - الخميس العرض الساعة ٩
- الجمعة حفلتين: 1) الساعة ٥ 2) الساعة ٩
أي عرض بيبدأ بعد معاده بربع ساعة، والدخول قبل العرض بساعة.
سعر التذكرة 15 ج
عنوان المسرح
شارع الجلاء خلف مستشفى السكة الحديد، بالقرب من محطة مترو أحمد عرابي.
لتفاصيل أكتر ممكن تكلموا
وليدعبدالغني01008515753 مصطفي محمد 01002171923 محمد العتابي 01068399708 عاصم رمضان 01004331042 أيمن صبحي 01119062211 .
