منحة معهد الاتصالات لدراسة «الألمانية» في برلين
لو نفسك تسافر أو مهتم بدراسة اللغات وخاصة اللغة الألمانية، معهد الاتصالات الدولي بيقدم منحة للسفر لألمانيا لدراسة اللغة الألمانية في مدينة برلين أو مدينة دوسلدورف.
المنحة بتتعمل من سنة 2006 وعدد كبير بيتقبل فيها لأنها بتقبل كل التخصصات ومش مطلوب سن محدد ولا مستوى عالي من اللغة الألمانية.
المنحة تشمل مصاريف الكورس والسفر لحد 2000 جنيه والإقامة بتكون في غرفة في بيت عائلة ألمانية، لكنها لا تشمل المصاريف الشخصية (الأكل والشرب والمواصلات) دي أنت هتدفعها.
المطلوب تجهز الورق دا وتبعته قبل 31 مايو 2016 :
- سيرة ذاتية (يفضل تكون مرفقة بصورة) - ملخص لوظيفتك الحالية أو مجال دراستك. - خطاب تحفيذي أو motivational letter، تشرح فيه ليه الكورس دا مهم بالنسبالك. - خطاب توصية ( بيكون من دكاترة الجامعة الي درسولك أو من صاحب العمل الي بتشتغل فيه). - إثبات استحقاقك للمنحة ( ورق يثبت الدخل الشهري ليك أو لأسرتك لو أنت لسه طالب)
الورق دا بتبعت نسخ مصورة منه مترجمة للألمانية للإيميل دا ⇐ stipendien@iik-duesseldorf.de
ولو اتقبلت بيبعتولك على الميل ايه الإجراءات الي هتعملها عشان تسافر، أخر معاد لمراسلة المقبولين 16 يونيه 2016
لو عايز تعرف معلومات أكتر عن المنحة ..اضغط هنا
ملحوظة: لما تفتح موقع المنحة هتلاقي الكلام بالألماني ممكن تستخدم الترجمة الفورية للمواقع من جوجل أو تختار النسخة العربي للموقع من فوق على اليمين، لكن مش متوفر كل حاجة فيها بالعربي، الأفضل تستخدم ترجمة جوجل للمواقع.
