استمتع بالمسرح في عيد الفطر.. فيه منها بـ20 بس

لكل اللي عايز يحضر مسرحية في العيد، هنقولك في الموضوع ده على مسرحيات هتتعرض في العيد وعلى مدار شهر يوليو كله وعيد سعيد :)

أهلًا رمضان

مسرحية تدور فكرتها حول بعض الإسقاطات السياسية بشكل كوميدي والمسرحية من بطولة محمد رمضان، وروجينا، وعمر السعيد، وهنا الزاهد، وحسام داغر، وشيماء سيف، وحسن عبدالفتاح، وأحمد فؤاد سليم، وتأليف وليد يوسف، وإخراج خالد جلال. ومن المفترض عرضها  أول يوم العيد الموافق 6 يوليو.

ليالي أضواء المسرح

أما بقى رابع وخامس أيام العيد الموافقين 9 و10 يوليو هيقدملك مشروع «ليالي أضواء المسرح» و«أستديو النجوم للمواهب الفنية» بمسرح الهوسابير أوبريت «الليلة الكبيرة» لفرقة استديو النجوم (الدفعة 2) ومسرحية «الواد غراب والقمر» لفرقة No Name.

سعر التذكرة للعرضين: 30 جنيها

للحجز والإستعلام اتصل على الأرقام دي

01094444988

01285656180

01114524523

عنوان مسرح الهوسابير: شارع الجلاء، خلف مستشفى السكة الحديد، بالقرب من محطة مترو أحمد عرابي وسط البلد

وإيه يعني

مسرحية «وإيه يعني» رؤية درامية معاصرة لنص «على جناح التبريزى وتابعه قفه» للكاتب الكبير ألفريد فرج وبتقدمها فرقة «أبيض في أسود» المسرحية.

وهيتم عرضها على مسرح الفلكي في حرم الجامعة الامريكية بميدان التحرير من يوم الأحد 17 يوليو وحتى 31 يوليو. والعرض كتابة واخراج موريس عدلي.

سعر التذكرة: 30 جنيها

وهيتم رفع الستارة الساعة 7 وممنوع الدخول بعد بداية العرض.

للحجز مسبقًا

التذاكر متوفرة بستوديو عماد الدين: 18 شارع عماد الدين، وعلى باب المسرح من يوم الأحد 17 يوليو 2016.

مسرح مصر

خليك متابع صفحة مسرح مصر من هنا لأنهم هيعلنوا عن مواعيد حجز التذاكر الجاية لعروضهم لأن تذاكر عروض أول يوم عيد الفطر كلها إتحجزت.

وعشان تحجز ممكن تشتري التذكرة أونلاين من موقع «تيكيتس مارشيه» من اللينك ده أو من منافذ «تيكيتس مارشيه» اللي عناوينها على اللينك ده

مكان عروض مسرح مصر: داخل فندق جراند نايل تاور, في جاردن سيتي أمام الفور سيزون.

صح النوم

عرض «صح النوم» نتاج ورشة إرتجال لفرقة «يوتوبيا»، ومن إخراج محمد حافظ وهيتعرض على ساحة روابط بوسط البلد يوم 22 و 23 يوليو الساعة 7.

سعر التذكرة: 20 جنيه

لو عايز تحجز التذكرة من دلوقت اتصل على 01110400933 أو على 01001342630 وده رقم سيف عضو من أعضاء الفرقة.

عنوان مسرح روابط: 3 شارع حسين المعمار امتداد شارع محمود بسيوني متفرع من ميدان طلعت حرب.