محتار تروح فين في العيد؟.. الخروجات دي هتبسطك

العيد دايمًا لما يجي الواحد بيكون في حيرة وبيسأل نفسه ياترى هروح فين؟.. بس عشان متحيرش نفسك في الموضوع ده هنقولك مجموعة أماكن تروحها برا نطاق القاهرة هتخليك تستمتع بالأجازة وتتبسط :) 

لو كان نفسك تروح البسين بس الشغل أو الدراسة مكنتش مظبطة معاك يبقى انتهز فرصة العيد وروح «أكوا بارك» على طريق مصر الاسماعيلية الصحراوى الكيلو 31، على بعد 6 كيلو متر من سوق العبور.

«أكوا بارك»  هتكون فاتحة من 10 الصبح لحد 6 بالليل، وسعر تذكرة الدخول للفرد 105 ج، والأطفال من 3 لـ 10 سنوات سعرها 85 جنيه، وتشمل رسوم الدخول وجميع الالعاب وجبة الغذاء.

لو عايز تتصور وكمان تلعب مع حيوانك المفضل يبقى «أفريقا بارك» هى مكان فسحتك اللي فيها هتعيش أجواء العيد بشكل مختلف :) .

المكان مفتوح من الساعة 9 الصبح لغاية الساعة 6 بالليل وعنوانها في طريق اسكندرية الصحراوي.. ولو عايز تعرف تفاصيل أكتر عن السعر وكل حاجة اتصل على الأرقام دي:

01222709990 - 01005025536.

في القرية الفرعونية هتعيش التاريخ الفرعوني بكل تفاصيله من خلال مركبة بتفرجك على حياة الفراعنة، ومن خلال كمان الإكسسوارت والبرديات واللبس اللي هتعيش من خلالهم الجو الفرعوني.

القرية مفتوحة من الساعة 9 الصبح لحد الساعة 7 بالليل، وعنوانها 3 شارع البحر الأعظم،  الجيزة، اقرب محطة مترو ساقية مكي.

وبالنسبة لتذكر الدخول، في أسعار مختلفة لزيارة القرية بتبدأ من 55، 80، 100، و 145 ج.. والأطفال لغاية سن 10 سنين بيكون ليهم خصم 20%. قرية الأسد 

«قرية الأسد» بقى عبارة عن قرية فيها مطاعم ريفية مفتوحة ومطاعم مكيفة ومقهى وسيرك وحديقة حيوان، وموجودة في الكيلو 59 طريق اسكندرية القاهرة الصحراوي وده رقمها 01066347981 اللي هتعرفوا من خلاله المفاجأت اللي عملاها في العيد.

وممكن تتابع صفحة القرية على موقع «فيس بوك» من هنا عشان تعرف المفاجأة أول ما يعلنوا عنها. سمارت كامب 

في سمارت كامب هتلعب كل اللي نفسك فيه من تزحلق على الرمال، لكرة قدم على ملعب صابون، لبينج بونج، للعب بالألوان وغيرها من الألعاب اللي هتخليك مبهجج :D ،

عنوان «سمارت كامب» طريق الإسماعيلية الصحراوي، خلف كارفور العبور، جمعية أحمد عرابي بوابة 5.

رقم التليفون: 01002009167 /01003402668.