رئيس التحرير أحمد متولي
 قبل ما تشتغل «call centre» فيه مصطلحات لازم تعرفها

قبل ما تشتغل «call centre» فيه مصطلحات لازم تعرفها

الكول سنتر من الوظائف اللي ممكن تشتغلها بسهولة خاصة إن كتير من الشركات دلوقتي بتعلن عن حاجتها لشباب لشغل الوظيفة دي، ولو أنت بتدرس ممكن تشتغلها لحد ما تتخرج.

ومن مميزات وظيفة الكول سنتر لو أنت هتشتغلها كمرحلة لحد ما تلاقي شغل تاني إنك هتخرج منها وهو عامل علاقات اجتماعية مع ناس كتير وعنده القدرة إنك تسمع لكل الناس وتحل مشاكلهم..

لو انت حابب انك تشتغل في مجال الكول سنتر  "شبابيك" هيعرفك على شوية مصطلحات فيه بحيث تكون عارف عنه حاجات.

Agent

ده المسمى الوظيفي بتاعك في شركة الكول سنتر يعني زي ما فيه حوالينا طبيب ومحامي ومهندس وصحفي واعلامي  فيه Agent .

Customer

يعني"العميل" اللي انت بتكلموا أو اللي هو بيكلمك في التليفون.

User name

ده اسمك اللي بيتعملك من الشركة ومعاه الـ password بحيث تدخل بيهم على  الميل والشغل بتاعك.

Log in

ده ميعاد دخولك بالـuser name و الـpassword بتاعك على الكمبيوتر يعني لو ميعاد شغلك 10 الصبح يبقى 10 بالظبط تكون عامل log in .

Log out

ده اللي لازم تعمله أول لما تخلص شغلك إنك تتأكد ان مفيش أي شغل مفتوح، وبعد كدة تعمل log out  وتقفل الكمبيوتر.

Hold

ده عامل زي لما بتعمل wait لحد وانت بتكلمه في الموبايل عشان تعمل حاجة، ففي الكول سنتر انت بتعمل hold للعميل في حالة لما يسألك على حاجة والحاجة ديه هتحتاج منك انك تدور فبتعمله Hold يسمع فيه موسيقى.

خد بالك الـhold  مش بيتعمل على طول بيكون في حالات معينة زي مثلاً الحالة اللي قولتهالك فوق.

Out bound

ده لما انت تكلم العميل تعرض عليه عرض معين .

In bound

ده لما العميل هو اللي يكلمك يسألك على حاجة أو يقولك علي مشكلة عنده.

Team leader

ده المسمى الوظيفي " للمدير" بتاعك.

Quality

دول اللي بيسمعوك وانت بتتكلم  مع العميل في التليفون عشان يشوفوا المكالمة ماشية صح ولا فيها حاجة غلط.

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»