دليلك عشان تعيش
صحيح رتم الحياة سريع بس ايقاع روحنا فيها بطيء. بطيء لأننا مش عايشنها صح وسبنا نفسنا لواقعها الحزين اللي مداري ورا رتمها السريع.
وعشان تعيشوها صح شبابيك هتديكوا دليل تمشوا عليه :)
سافر
اخرج برا مصر اتعرف على ثقافات وناس جديدة، شوف عاداتهم وتقاليدهم، اتفرج على فنهم وابني صداقات وياهم وكمان روح أي مكان جوا مصر يكون فيه براح بحيث تصفي دماغك وقلبك من أي تفكير سلبي ووجع.
متسبيش
متسبيش نفسك لكلام الناس اللي بيحبطوكي وعايزين يمشوكي على مزاجهم لأنك لو سبتي نفسك لكلامهم هتلاقيكي مبقتيش انتي وبقيتي واحدة تانية.
هدف
حطي قدامك هدف عايزة تحققيه ورتبي خطوات تمشي عليها عشان توصلي لهدفك ده وحطي في دماغك انك تقدري تعملي ده وهتوصلي.
متسمحيش
متسمحيش لأي حد انه يضايقك ويقلل منك ومن كرامتك لأنك لو سمحتيلوا بكدة هيركب عليكي ويدلل رجليه.
باباك ومامتك
حافظ عليهم فرحهم اخرج وياهم لأن دعاهم ليك هو اللي هيفتح ليك كل الأبواب المتقفلة ولو فيه حد منهم فارق الحياة حافظ على الحد التاني واستمتع بوجوده وياك وادعي ربنا انه يطول في عمره.
الحب
لو بتحبي أو بتحب حافظوا على حبكوا من مشاكل الحياة ولو لسة مقابلتيش حبيك ادعي ربنا انه يرزقك براجل صالح يحبك وتحبيه :)
افرح
فرح نفسك وجبلك هدية، استغل كل لحظة عايش فيها وافرح وحاول تبقى فرحتك من القلب.
اشتري
اشتري لبس جديد لأنه قد ايه هيفرق في نفسيتك وهيخليكي مبسوطة.
كلام الناس
طظ بس كدة.
