عشان تصحى بدري.. 5 خطوات تساعدك
الاستيقاظ مبكرا يؤرق معظمنا، خصوصا مع برودة الشتاء. أغلبنا يشتكى منه، وكل ما تشتكى إنك تعجز عن الاستيقاظ في الساعات الأولى من النهار يترد عليك "عشان مابتنمش بدرى!". طب نعمل إيه عشان ننام بدرى؟.
عدد ساعات النوم الطبيعية
عشان توصل للصحيان بدرى بسهولة يجب أن تدرب نفسك على عادات معينة، أولها أن تعرف كم ساعة يحتاجها جسدك حتى يرتاح، وعلى الأساس ده حدد مواعيد نومك لكي تضبط موعد استيقاظك.
الطبيعى بحسب معظم الدراسات، الإنسان بينام من 6-8 ساعات، تيجى هنا الخطوة التانية.
إهرب من التكنولوجيا
عمرك ما هتنام أو هتحس برغبة فى النوم وعقلك متابع حاجة أو منتبه لشئ ما، كما أنه يوجد دراسات تؤكد إن الضوء الخارج من الأجهزة الألكترونية مثل "التليفيزيون أو الجوال" تؤخر إفراز هرمون melatonin المسؤل عن تهيئ العقل والجسم لحالة النوم. فحاول أن تبعد عن كل جهاز إلكتروني على الأقل نص ساعة قبل النوم. "إفصل وأدخل فى الموود" .
ادخل فى المود
لكي تهيء نفسك للنوم، إبعد عن أي مشروب يحتوي على نسبة عالية من الكافيين قبل النوم على الأقل بـ 4 ساعات، إشرب أعشاب زى الشاي الأخضر– على الرغم من إنه به نسبة كافيين قليل بس يعتبر من المشروبات المهدئة- أو الشكولاتة السخنة. وفي نفس الوقت إبعد عن السكريات وحاول أن تعجل موعد العشا بدري يعنى مش بعد الساعة سابعة.
يلا عشان ننام
بعد ان استعددت، للنوم نبدأ مرحلة الاسترخاء وأدخل غرفتك قبل النوم بساعة وأجعل الإضاءة خافته. واستمع إلى بعض الموسيقى أو أشعل بعض أعواد البخور. أو أي وسيلة أخرى قد تراها مناسبة تساعدك على الدخول في النوم.
أهم وأخر خطوة هى إنك تغير فكرتك عن الاستيقاظ مبكرا، وستلاحظ أن هذه العادة أسهل مما كنت تتخيل مسبقًا "بس إحنا إللى بنسوّقله بطريقة سلبية".
