تصرفات تجعلك مزعجا لأصدقائك على «فيس بوك»

كتير بنقابل أصدقائنا على «فيس بوك» وبنكتشف من مشاركتهم وتصرفاتهم إنهم مزعجين، وممكن جدا نكون إحنا مزعجين زيهم ومش واخدين بالنا، عشان كده موقع «مترو» البريطاني أعد قائمة بأفعال وعلامات وتصرفات تكشف لك إن كنت مزعجا من عدمه.

1- إرسال دعوات الألعاب باستمرار

2- مشاركة الصور والتدوينات التي تدعو الناس لإعادة نشرها حتى لا يتعرضوا للأذى، أو ربط ذلك بحبهم لله، أو دعوتهم للغط على الإعجاب مثل: لو بتحب ربنا قول الله أكبر، لو مسلم اضغط لايك واكتب لا إله إلا الله، لو بتحب أمك شير الصورة.

3- مشاركة حكم ومأثورات غير واضحة ومفهومة

4- مشاركة تدوينات تتضمن همز ولمز "تلقيح"

5- تغيير الصورة الشخصية "بروفايل" يوميا

6- نشر صور الأبناء أو الأقارب والحديث عن أنشطتهم

7- نشر العد التنازلي لموعد زفافك، في ناس بتنشر بوستات "فاضل 50 يوما على الفرح وفي اليوم التالي فاضل 49 يوما على الفرح" ده شيء مش بيهم كل الناس اللى عندك على حسابك

8- كتابة عبارات الحب والغزل لشريك/ة الحياة لأن ديه أمور خاصة مش لازم الناس كلها تشوفها

9- إرسال الدعوات لحضور المناسبات الوهمية

10- كتابة رسالة ومشاركتها مع قائمة الأصدقاء ديه بتبقى شيء مزعج وسخيف

11- نشر صور سيلفي بشكل متكرر

12- مشاركة تدوينات خاصة بحضور الحفلات أو الجلوس على المقاهي أو الخروجات والفسح خاصة لو الهدف من ده كيد شخص أخر بيبقى باين ومكشوف جدا

13- مشاركة صور لمشروب تتناوله مثل القهوة والشاي والنسكافيه وغيرهم، إيه ذنب الناس إنك بتشرب؟

14- نشر صورة أو تعليق أو بوست مش مفهوم ويكون موجه لشخص معين أو وضع اسم الشخص ده في التعليق، إيه ذنب الناس يشوفوا الكلام ده

15- استخدام "فيس بوك" في النفاق ومدح أشخاص بعينها والإساءة لأشخاص آخرين