مزنوق في المذاكرة؟.. «الخمسناية» هي الحل
مساهمة من القارئ «جمال محمد فهمي»
طريقة الخمسيناية، بمعنى أن العقل البشرى مش بيعرف يستقبل معلومات لمدة أكتر من ساعة، لو زود عن كدا هيهنج زي جهاز الكمبيوتر كدا، ويحتاج عملية ريفرش. فهنزاكر خمسين دقيقه نظبطها على الموبيل، أول لما يرن نأخد بريك عشر دقائق، خلالهم هتاخد نفس عميق شهيق زفير بالراحة، وتصفي زهنك.
وبعد الراحة تظبط المنبه على خمسين دقيقه كمان، الموبيل هيرن تأخد بريك عشر دقائق تانيين، وبعدين تدخل في الخمسين دقيقة رقم تلاتة، ودي هتبقى مراجعة على الخمسين دقيقه الأولى والتانية.
طقوس للمذاكرة
أولا: المشتتات، ابعدوا الموبايل من جمبكم خالص، اعملوه وضع طيران.
ثانيا: مكان المذاكرة يكون مريح بالنسبه لكم.
ثالثا: رشوا برفان في مكان المذاكرة، ده ليه تأثير سحري.
رابعا: لو بتناموا في نص المذاكره امضغوا لبان، واتكلموا بصوت عالي.
خامسا: أول متقرر تذاكر وتدخل تقفل باب الأوضة عليك، حط في دماغك أنك بتصلي، يعنى لما بتكونوا بتصلو وحد يعطس، ينفع تقولوله يرحمكم الله؟ لاء مينفعش. اعتبرو نفسكم بقى كدا.
سادسا: علاقتكم بربنا تكون كويسة ونيتكم صافية. دعاء قبل المذاكرة وبعد المذاكرة مهم جدا.
سابعا: وأنتم داخلين المعسكر بتاع المذاكرة، الشاي والقهوة تكون اتشربت. اللي بيشرب قهوة نسكافيه ويدخل يذاكر على طول، أوعدك هتنام من أول صفحة. لازم تصبر عشرين دقيقه على ما مفعول الكافيين يشتغل.
ثامنا: ذاكروا بصوت عالي، اعتبر نفسك مدرس وبتشرح للعيال اللي قاعدين قدامك. وهتلاقي تاثير كويس جدا.
تاسعا: اتحدى نفسك جامد. يعنى أنا هخلص الحتة دي هفهمها في مثلا ربع ساعة، هتلاقيك بتجيب والمعدل بيزيد.
تنظيم الوقت
قرأت في كتاب قيم جدا عن الوقت. لفت انتباهي حاجة جميلة اوي، وفتحت مخي على حجات أبعد. تخيل أن في بنك، كل يوم الصبح بيعمل ايداع في حسابك بمبلغ 86.400 دولار، ولكن بشرط متخليش أي حاجة في الرصيد لليوم التاني. وكل يوم بيقوم البنك بحذف الرصيد اللي مش بنستغله في اليوم ده. لو كل يوم البنك بيضيف لي 86.400 دولار كل يوم، بالتأكيد هسحب كل شلن في البنك وأصرفه. كلنا عندنا البنك ده، وهو الوقت.
الخساره من نصيبك أنت لوحدك، مينفعش ترجع للرصيد السابق، وليس مسموحا السحب من الرصيد اللاحق بردو. تعيش الحاضر بوديعة اليوم، وتسثمرها بكل طريقة ممكنة. الوقت يمضي عليك تحقيق أقصى استفادة من اليوم هنا.
ودلوقتي عاوز تعرف قيمة السنة اسأل طالب رسب في سنة دراسية. وإدراك قيمة الشهر اسأل أم وضعت طفلها قبل ميعاده، غير مكتمل النمو. ولإدراك قيمة الأسبوعاسأل رئيس تحرير جريدة أسبوعية، ولإدراك قيمة الساعة اسأل شخص لم يلحق القطار وفاته. ولإدراك قيمة الثانية اسأل شخص تفادى بالفعل وقوع حادث. ولإدراك قيمة الميلي ثانية اسأل الشخص اللي خسر في الأولمبياد على جزء أقل من الثانية.
أنا وقتي بيضيع ومش عارف أعمل ايه؟
أولا: نظم نفسك وكن مرتب كدا، لأنك لما تكون منظم هتكون عندك فكره واضحة عن اللي تعمله وامتى. وعود نفسك أنك تكتب كل أعمالك في تقويم منظم، زي ورقه مثلا. وبكدا هتكون عارف الحاجة اللي أنت لازم تستعد ليها، وحافظ على ترتيب ورقك وكمان مكتبك. وده هيساعدك أنك توصل للحاجة اللي أنت عاوزها بسرعة، عشا توفر وقت في التدوير.
ثانيا: شوف إيه هو الوقت اللي بتكون فيه في أقوى قدراتك الذهنية. يعنى الصبح ولا بليل الظهر ولا المغرب. والأفضل من بعد الفجر.
ثالثا: بلاش نغمة «أنا هبقى أذاكر ديي ليلة الامتحان، لأنك لو مذكرتهاش وأنت فاضي دلوقتي، مش هتذاكره لو فرضنا أنك هتذاكرها، مش هتبقى بنفس القدرة على التركيز.
رابعا: لازم تبدا بالحاجة السهلة، لأنها هتوفرلك في الوقت كتير وهتيديك حماس جدا.
خامسا: اظبط الـ«Reminder» علي موبايلك أنه يفكرك قبل كل حاجة المفروض تعملها برُبع ساعة، عشان تبقي دائما جاهز.
سادسا: لو في حاجة من الحاجات اللي لازم تخلص، ممكن حد غيرك يعملها و ينجزها أسرع و يساعدك؛ اطلب مساعدته، ومتعملش حاجات كتير مرهقة ورا بعض تبقي السبب في أنك متعرفش تكمل بقيت اليوم.
سابعا: الـ«Break» من أهم الحاجطلاات ين كل «Task» و التانية.
ثامنا: اللي بيضيع الوقت أكيد الفيسبوك. ديي البرامج اللي تقفله: «FOREST» - «STAY FOCUSED» -«LOCKER FOR STUDY» - «POMODORO TIME». التنويع في طرق المذاكرة
دي طريقة مذاكرة برده كويسة غير الخمسيناية. بحب أنوّع في الطرق. الأسبوع ده مثلا خمسيناية، والأسبوع اللي جاي بطريقة مذاكرة «كوم».
الفتره الأولى: هتقعد 25 دقيقة على المذاكرة، وخمس دقائق راحة.
الفتره الثانية: هتقعد خمسين دقيقة على المذاكرة وعشر دقائق راحة. مثلا على الفيسبوك تدخل تشوف جروب الدفعه ناشر إيه وكدا. عشر دقائق بس لو زادوا يبق السستم باظ، وتعيد من الأول لازم نحجدى نفسنا. المهم عشر دقائق راحة بالشكل اللي تحبوه.
القترة الثالثة: ساعة كاملة، ستين دقيقة بالثانية، وبعديها ربع ساعه راحة بردة. الفترة الأخيرة بقى ساعة ونص وما بينهم خمس دقائق راحة، بس تريحوا مخكم من الشغل. وبعديها عشر دقائق راحة.
ملحوظة
التقرير ده مسامهمة من القارئ: جمال محمد فهمي.. لو عندك طريقة مذاكرة كويسة ممكن تفيد بيها غيرك ابعتلنا على الإيميل ده [email protected]
اقرأ أيضا http://shbabbek.com/SH-37841 http://shbabbek.com/SH-37175 http://shbabbek.com/SH-36966
