7 حاجات هتحصلك لو بطلت تاخد كل حاجة على صدرك
الحياة أقصر من إنك تضيعها على كلام فاضي زي الخناقات والنقاش والجدال اللي ملهوش لازمة.
مع زيادة استخدام وسائل التواصل الاجتماعي، بقى ممكن تعرف آراء وأفكار ناس من مختلف الثقافات والديانات والمستويات، وبالتالي أكيد صادفت رأي مخالف لرأيك أو لعقيدتك.
البعض مننا بياخدوا كلام المخالفين ليهم في الرأي كأنه هجوم على شخصهم، مش انتقاد للرأي نفسه.
لما تاخد كل حاجة بتقرأها أو تسمعها أو تشوفها بشكل شخصي، دا هياخد وقت وطاقة كتير منك، كان ممكن تستثمرهم في حاجة تانية مفيدة.
ودي حاجات هتحصلك لما تبطل تاخد كل حاجة على صدرك :
- لو بطلت تاخد كل نقد موجه ليك على أنه نقد لشخصك، حياتك هتتحسن وعلاقاتك بالناس حواليك هتبقى أفضل وتقدر تتواصل معاهم بشكل أفضل.
- هتقلل من لحظات انفعالك وغضبك وتزود من مستويات رضاك.
- هتجنب نفسك الإصابة بالأمراض المزمنة زي السكر والضغط والقلب.
- تفكيرك هيبقى أكثر موضوعية، ودا هيخليك تقدر تحكم على حاجات كتير في حياتك بحيادية وموضوعية.
- هتتجنب مشاكل كتير ممكن تحصل نتيجة سوء التفاهم، زي الخلافات اللي ممكن تحصل بين القرايب والأصدقاء بسبب الخلافات السياسية، بيكون اتنين بيتناقشوا مع بعض وليهم آراء مختلفة ويوصل الجدال بينهم أنهم يتخانقوا مع بعض ويقاطعوا بعض.
- هتبقى سعيد أكتر. هتقدر تعيش مبسوط وتقلل من الهموم والمشاكل اللي دايما بتفكر فيها نتيجة إنك بتاخد الكلام بشكل شخصي.
- تركيزك هيزيد، لأنك لما بتقعد تفكر كتير في كلام الناس خاصة الكلام اللي لا يعنيك، هيبقى ذهنك صافي وقادر على التركيز في العمل أو الدراسة أكتر.
