للبنات.. 6 نصائح هتودعي بيها التأخير الصباحي
عمرك ما سألتي نفسك قبل كده عن السبب الحقيقي لتأخيرك عن الشغل أو الجامعة؟ أو حتى اتمنيتي يجي عليكي الوقت اللي تروحي فيه بدري زيك زي أي حد عارف حقوقه وواجباته.
للأسف كتير من البنات سألت نفسها السؤال ده ووصلت لإجابة بس معرفتش تغير من سلوكها، يمكن لإن ضرر التأخير لسه مأثرش في حياتهم بشكل كبير، بس الحقيقة إنه هيأثر على المدى البعيد.
وعلشان كده، دي مجموعة من النصائح اللي هتساعدك عشان تستعدي بسرعة الصبح من غير ما تروحي شغلك أو جامعتك مستعجلة.
- اظبطي أكتر من منبه
في بنات هتقول إنها بتظبط المنبه بس بردوا بتصحى متأخر، طبعًا ده بيحصل لإنهم بيستخدموا منبه واحد.
بس لو استخدمتي أكتر من واحد على فترات متباعدة هتقدري تصحي في الميعاد اللي أنتي عاوزاه، ولو معرفتيش تقدري تحملي على الموبيل تطبيقات هتخليكي تصحي حتى لو كنتي في سابع نومه.
- جهزي لبسك وشنطتك بالليل
متخيلة إنك تصحي في ميعادك مثلًا بس لسه هتشوفي هتلبسي إيه ولو في هدوم محتاجه مكواه، ده غير الشنطة اللي لازم تكون لايقة على الطقم ده.
6 نصائح لاستغلال الوقت الضائع في المواصلات
ولما تختاري واحدة تقرري إنك تنقلي فيها حاجتك أو تحطي حاجات جديدة، كل الحاجات بتأخد وقت كبير علشان كده لازم تكون جاهزة من بالليل.
- خلي مكياجك بسيط
مش لازم تروحي الشغل أو الجامعة كل يوم بمكياج كامل، حاولي تلتزمي بحاجات بسيطة زي الروج والكونسيلر لإخفاء أي هالات سودا والكحل أو الماسكرا.
في الوقت ده هتحافظي على مظهرك من غير ما تعرضي شغلك أو محاضراتك لأي تأخير.
- بلاش تستخدمي الموبيل
علاقتك بالموبيل لازم تقف الصبح عند المنبه، ومن هنا لحد ما تخرجي من الشقة الموبايل ممنوع، استخدميه عادي بعد الخروج.
إضاعة الوقت مفيدة ولكن.. احذر هذه الأشياء
بس لو استخدمتيه قبل الخروج معناه إنك هتشوفي الرسائل اللي جايه وهتردي على الناس، غير تويتر اللي لازم تشوفي أعلى هاشتاج فيه إيه؟.. إلخ، وفي الآخر تبصي في الساعة تلاقيكي اتأخرتي.
- حطي لنفسك وقت محدد
لو صحيتي وبدأتي تجهزي نفسك من غير ما تحددي وقت معين تخلصي فيه الحاجات اللي عندك، هتلاقي نفسك اتأخرتي والوقت سرقك لإنك ببساطة مقولتيش هخلص بعد نصف ساعة مثلًا.
تحديد الوقت هيخليكي دائمًا تبصي في الساعة وتشوفي قدامك وقت أد إيه.
- خلي الفطار «تيك آواي»
طالما عاوزه تفطري لإن يومك في حاجات كتير هتشغلك ولازم تكوني فاطرة كويس، ممكن تجيبي أي حاجة «تيك آواي» بدل ما تفطري في البيت وتأخري نفسك أكتر.
