«الواحد مش ناقص».. أسباب تخليك تتجنب الناس السلبية
الواحد مش ناقص ناس تنشر سلبيتها في حياته وتخليه مش طايق نفسه وعايز يهج من المكان اللي هو فيه. يمكن فيه ناس منكوا مش عارفين إيه حجم المشكلة اللي بيسببوها.
بس في الموضوع ده هنقولك على الأسباب اللي تخليك تتجنب الناس السلبية لو قابلوك في حياتك.
تأثير سلبي عليك
لو ابتديت تعمل خطوة مهمة في هدفك اللي نفسك تحققه هتلاقي أخينا ده بيعجزك وهيقولك كلام من نوعية «مش هتوصل اللي قبلك عملوا إيه يعني»، وهكذا بيفضل يأثر عليك تأثير سلبي.
ومش بس بيحاولوا يأثروا عليك بكلامهم السلبي لأ دول كمان بيحاولوا يأثروا على تفكيرك ويحولوك من واحد كان بيفكر تفكير إيجابي لواحد بيفكر تفكير سلبي زيهم وهما للأسف قادرين إنهم يعملوا كدة.
استنزاف طاقتك
لو قعدت معاهم هتلاقي إن طاقتك بتستنزف في الفراغ، وإنك مش قادر تتواصل ولا تفكر معاهم في أي حاجة تخصك لأنهم عكس طبعًا الناس الإيجابية اللي لما تقعد معاهم تحس إنك عندك طاقة إيجابية رهيبة.
عمرهم ما هيدفعوك للأمام
الناس دي دايمًا هتخليك في النازل بطريقة كلامها ليك السلبية وعمرها في حياتها ما هتقولك كلمة تشجيعية بعكس طبعًا الأشخاص اللي مؤمنة بيك واللي بتشجعك في كل خطوة بتخطيها.
الحياة قصيرة
الحياة قصيرة جدًا في إنك تقضيها مع ناس سلبية فاتقي سلبيتهم وابعد عنهم أو اعمل حدود بينك وبينهم وعيش حياتك في سعادة وقرب منك الناس الإيجابية اللي هتخلي حياتك القصيرة دي سعيدة.
بيدعموك بالسلب
لو كنت متردد في خطوة مهمة بتفكر تعملها وسألتهم عنها عشان يحسموا التردد ده هتلاقيهم بيدعموك في ترددك ده مش بيحاولوا يفهموا حاجة غير إنهم شايفينك في محل شك وتردد.
وهما طبعًا ديه فرصتهم إنهم يأثروا عليك بسلبيتهم، ويأكدوا على إن ترددك ده صح وإنك متعملش الخطوة دي بعكس الناس الإيجابية اللي هتلاقيهم بيطمنوك وبيقولوا ليك بلاش تردد وخوض التجربة.
يرفعون شعار النكد
الناس السلبية يعزوا جو الدراما قوي لما تتكلم معاهم يقعدوا يحكوا ليك عن مآسي في حياتهم ومهما تحاول إنك تنصحهم أو تقف جنبهم بكلام يطمنهم برده عايشين في الدراما ومبيخرجوش منها.
المصدر : 1
