لو معزومة عند حد لأول مرة.. اعملي الحاجات دي
اتصل بيكي حد وأول مرة يعزمك عنده في البيت؟ اعملي بقى الحاجات اللي هنقولك عليها في الموضوع ده عشان تكوني ضيفة خفيفة لطيفة ?
خدي حاجة معاكي
لازم وأنتي رايحة تاخدي معاكي حاجة مثلًا تورتة، أو حاجة للبيت فازة مثلًا، أو أي حاجة أنتي حابة تاخديها ليهم. وده بيثبت قد إيه للحد اللي أنتي رايحة ليه إنك ذوق وكريمة.
متعلقيش على الأكل
قد يعجبك أيضا ⇐ تعلمي أسرار «النفس الحلو» واحترفي الطبخ
لو الأكل طعمه وحش متعلقيش وتقولي «مال الأكل دلع كدة ناقصه ملح؟» لأن أنتي كدة بتضايقي الناس وبتحرجيهم واللي ممكن تعمليه إنك تاكلي وأنتي ساكتة وبعد حبة صغيرة توقفي أكل وكأنك شبعتي وتقولي تسلم إيدك.
متمشيش في البيت
خليكي قاعدة مكان ما أصحاب البيت قعدوكي متقوميش تتمشي في البيت غير لو حد قالك تعالي أفرجك على كذا لأنك لو قومتي إتمشيتي هتبقي بتقتحمي خصوصية البيت وده طبعًا شيء مش هيحبوه.
مترغيش كتير
قد يعجبك أيضا⇐ تعلمي أسرار النفس الحلو.. واحترفي «الحلويات»
لما تيجوا تتكلموا متقعديش ترغي كتير لدرجة إنك متديش فرصة للي قدامك إنه يتكلم. خلي فيه مناقشة ما بينكوا مش أنتي بس اللي تقعدي تتكلمي. وأنتي بتتكلمي متتكلميش في حاجات حزينة عشان القعدة متبقاش قعدة كئيبة. وإحكي حواديت إيجابية حلوة.
ماشاء الله
قد يعجبك أيضا ⇐ وظائف عمل للمرأة.. من المنزل
لو عجبتك أي حاجة في البيت قولي ما شاء الله على طول عشان متبقيش زي حورية في مسرحية الهمجي ?
بلاش صراحة تضايق
لو ست البيت خدت رأيك في حاجة مثلًا لبس لسة جايباه وهو مش عاجبك متكونيش صريحة وتقوليلها بصراحة مش حلو خالص لأنك بكدة هتكرهيها في اللبس وفي إنها سألتك.
وقوليلها ما شاء الله حلو قوي ووصلي ليها اللي عايزه تقوليه بس بأسلوب لطيف وإديها بدايل تخلي الطقم حلو.
⇓نرشح لك⇓
