رئيس التحرير أحمد متولي
 مواقع تعلمك أي لغة ببلاش

مواقع تعلمك أي لغة ببلاش

دايما بنبقى نفسنا نتعلم لغة جديدة بس يا إما معندناش وقت لإما محتاجين وقت لإما أسعار المستويات بتصدمنا. فى مواقع مجانية على الإنترنت بتعلمك أى لغة ببلاش. الموضوع بيعتمد على إنت بتفضل إيه : كورس وكتاب ولا ممارسة  ولا بتحب تتعلم كلمات كتير؟

لو عايز تتعلم الأساسيات

Babbel

الموقع بتسجل عليه من خلال حسابك على «فيس بوك» أو جوجل وبتحدد عليه اللغة إللى محتاج تتعلمها. الموقع بيعلمك أساسيات اللغة من قواعد وسمع وممارسة. كمان ممكن تحمله من على Google Play.

Mermise

الموقع مهتم بتعليم الكلمات  أكتر وبتحس أكتر إنك بتلعب. فى الأول بيعرض عدد الكلمات المفروض تحفظها ومعناها وبعدين بتتدرب عليها بالسمع و الكتابة وبعد مجموعة تمرينات بيعملك إحصائية من خلال إجاباتك إنت إستوعبت وحفظت الكلمة بنسبة قد إيه.

بعد مابتسجل على الموقع بحسابك على فيس بوك أو جوجل بتختار اللغة إللى بتتكلمها واللغة اللى عايز تتعلمها.

Duolingo

من أكثر المواقع شهرة بين المواقع المتخصصة لتعليم اللغات والمتخصصين في تعليم المبتدئين بتسجل دخول من خلال حسابك على «فيس بوك» أو جوجل. وبتختار اللغة وبعدين بيظهرلك خيارين لو عايز تتعلم من البداية و لا عايز تعمل تحديد مستوى.

الموقع تفاعلى بيخليك تحدد هدف يومى عشان توصله وعندك عدد محاولات لليوم كأنك بتلعب كاندى كرش.

لو عايز تمارس 

Conversation Exchange

الموقع بيسمحلك تمارس اللغة إللى إنت عايزها مع ناس من أهل اللغة على إنك تساعد الشخص التانى على تعلم لغتك الأم. الموضوع  بيتم إزاى: بتدخل اللغة وبيظهرلك الناس المتاحة لتدريب اللغة وممارستها وبيتم التواصل من خلال سكايب أو Whatsapp

Polyglot Club

أكبر موقع لممارسة اللغات وتحسين مهارات الكلام والتواصل مع ناس لغتهم الأصلية هى اللغة إللى إنت عايز تتعلمها.

آمنة زايد

آمنة زايد

صحفية ومترجمة مصرية مهتمة بالكتابة في موضوعات السفر والطعام والتعليم بالخارج