علاقة الولد بالبنت من أبسط العلاقات وأكترها تعقيدًا في نفس الوقت، يمكن علشان تركيبة البنات بتختلف تمامًا عن طبيعة الولاد. البنات بتحب التفاصيل والولاد بتكرهها.. البنات بتسمع بقلبها والولاد بعقلهم.

مش معنى كده إن الولاد مبتغلطش، لا هما كمان ليهم تصرفات غلط بتخلي العلاقة تنتهي قبل ما تكمل، بس لازم قبل ما تشوفي هو بيغلط في إيه؟ فكري في أخطاءك وصلحيها الأول مع تقرير النهارده عن أسوأ 8 صفات تبعد الولد عن البنت.

  • العصبية

عصبية

لازم تعرفي إن العصبية من أكتر الصفات اللي الولاد بتكرها في البنات لإنها بتخلي علاقتكم دايمًا في خناق حتى لو على شىء تافه. ومع كل غلطة بتعمليها صوتك فيها بيعلى وبتقولي كلام يجرحه رصيدك بيقل عنده وحتى لو عرف يسامحك بعد كده مش هيعرف ينسى إنك أهانتي كرامته قدام الناس مهما اعتذرتي ألف مرة.

  • الغرور

غرور

لو فاكرة إن الغرور هو اللي هيشده ليكي تبقي غلطانة لإنه هيبعد عنك ومش هيقرب، صحيح هو ممكن يكون معجب بجمالك اللي موصلك للغرور ده بس الإعجاب ده مع أول تعامل من فوق هيبعده عنك لأميال. علشان كده لازم تتجنبي الصفة دي مش بس علشان الأسباب اللي قولنا عليها، لا كمان لإن كرامته مش هتستحمل إنه يشوف البنت اللي هيرتبط بيها بتتعالى عليه أو بتتكبر، بالإضافة إن غرورك ده ممكن يوصلك لكلام يجرح كرامته.

  • الكذب

الكذب

مينفعش تبقي 24 ساعة بتكدبي عليه وعاوزه علاقتكم مع بعض تكمل من غير مشاكل أو تكمل أصلًا، حتى لو عملتي حاجه هيزعق عليها قوليله بأي شكل لإن الصراحة معاه أفضل ليكي من أي كلام يسمعه من بره. كمان لازم تخلي بالك من نقطة ممكن تكون غايبة عنك إن كذبك الدائم هيخليه يحس إنك حتى بتكدبي في مشاعرك ناحيته وبالتالي عمره ما هيحس بكلامك لإن اللي بيكدب في كلمة ممكن يكذب في مشاعره.

  • التسلط

المتسلطة

مش معنى إنه بيحبك إنه هيستحمل تسلطُك في كل شىء في حياتكم، هو كمان من حقه يختار حياته ولبسه اللي يعجبوه، من حقه يحب المكان ده ويكره غيره، ولما تحبي تمشي رأيك اقنعيه وحاولي معاه واحة واحدة بس مش بالإجبار. ولو مثلًا بتحبي الخروج الكتير مش لازم تجبريه عليه علشان مينفعش زمايلك يقولوا عليكوا إنك متخانقين، لازم تحافظي عل كرامته وتعرفي إنها من كرامتك ومهم جدًا تحافظي على شكله قدام غيره.

  • الدلع

دلع

اللي بيزيد عن حده بينقلب ضده، علشان كده لازم تعرفي متى تدلعي ومتى توقفي الدلع ده؛ لإن في مواقف هو بيكن فيها مخنوق ومش طايق نفسه. في الوقت ده دلعك هيوصله لمرحلة خناق معاكي إنتي مش قدها،  يا إما هتخليه يحس إنك سطحية.

  • الشك

الشك

تقريبًا معظم المشاكل اللي بتحصل بين أي اتنين بيبقى سببها الرئيسي «الشك»، وده شىء طبيعي طالما إنتي مبتثقيش في الشخص المرتبطة بيه بس هنا في سؤال مهم لازم تجوبي عليه طالما إنتي مش واثقة ارتبطي ليه أصلًا؟ خدي بالك إن شكك الزايد ده هيخنقه منك وهتوصلوا مع بعض لحيط هيقع عليكوا إنتو الاتنين بس لو قدرتي تثقي فيه ومن قبلها تثقي في نفسك هتعرفي لوحدك إنه لو مكنش بيحبك أو بيبص لغيرك مكنش ارتبط بيكي.

  • الزن

Man and woman conflict

ليه لما بيقولك إنه مشغول أو تعبان بتصممي تتكلمي وكإنك مش سامعه هو بيقول إيه؟ ليه لما بيرفض حاجه معينة بتمشي معاه بسياسة الزن وبتبعدي عن المناقشة اللي ممكن تخليه يوافق. زنك ده هيخليه يعند معاكي أكتر وبالتالي مش هتبطلوا خناق، اعرفي متى هو مستعد يسمعك ومتى مش هيكون قادر، بلاش تخليه بالزن ده يبعد عنك بالمشوار.

  • التهيئات

الظن

عودي نفسك تسمعي منه الأول وبعدين احكمي زي ما أنتي عاوزه، بلاش مباحث التهيئات اللي دايمًا بتتعاملي بيها معاه؛ لإن طول ما أنتي سايبه نفسك لدماغك وشكوكك علاقتكم عمرها ما هتكمل.  

م ط

25
7
8
22
2
4
2

شارك المقال