عايز تمثل؟.. اسمع نصايح الفنان محمد عادل

بما إنك خلاص قررت إنك عايز تمثل، فهتلاقي في الموضوع ده مجموعة نصايح بيقدمهالك النجم الشاب محمد عادل، ودي لازم تحطها حلقة في ودانك عشان تسلك في بداية طريقك. 

موهوب ولا موهوم

قبل ما تبدأ تحط رجلك على أول سلمة في مجال التمثيل لازم تسأل نفسك: «أنا فعلًا عندي موهبة ولا لأ؟» لأن فيه فرق كبير بين إنك تكون موهوب أو موهوم بإنك تعرف تمثل، وده عشان مضيعش وقتك في مجال هو أصلًا مش مجالك.

أنت هتمثل؟.. طيب هي دي التمارين على المسرح

متديش أبدًا فلوس لحد

أي حد يقولك هات مبلغ ما وأنا هوصلك للنجومية أوعى تديه أي حاجة لأن مفيش حاجة اسمها أديك فلوس عشان تخليني أمثل، ودي كلها بتبقى عمليات نصب من ناس بتستغل حلم الشباب.

خد ورش تمثيل

دور على ورش تمثيل تساعدك على تنمية وتطوير موهبتك للأفضل، وحط في بالك إن الورش دي ملهاش علاقة بإنها تشغلك، هي بتعلمك فقط لا غير، وده عشان يكون عندك خبرة طبعًا لما الفرصة تجيلك.

محمد خان.. سينما الحكايات الشعبية والحب والتفاصيل الصغيرة

دور على مصدر الخبر

لو شوفت أي خبر فيه إعلان عن طلب ممثلين لازم تتأكد من مصدر الخبر ده لأن فيه أخبار كتيرة بتظهر وبتكون كدب.

زي الخبر اللي انتشر في الفترة الأخيرة إن أشرف عبد الباقي هيعمل فرقة مسرحية جديدة والخبر طلع كدبه «أشرف» من خلال فيديو نشره على صفحته الرسمية على موقع التواصل الإجتماعي، وده عشان محدش يضحك عليه

روح شركات الإنتاج المعروفة

دور على المخرج اللي سمعته محترمة وشركات الإنتاج المعروفة وروحها واسأل على مواعيد «كاستينج» أعمال مخرجيها، واعمل اللي عليك واسعى وهتلاقي فرصة. 

رأفت الميهي.. سينما «فنتازية» يعني خيال عبثي وفوضوي وكوميديا

اعرف معلومات عن الكاستينج

لو عرفت إن فيه «كاستينج» لأي عمل لازم  تعرف قبل ما تروح معلومات عن العمل ده عشان تكون مطمن وانت رايح وعارف كل حاجة عنه.