تعليق الفنان هاني شاكر بعد هجوم حمو بيكا على نقابة المهن الموسيقية (فيديو)
علق الفنان هاني شاكر رئيس نقابة المهن الموسيقية، على هجوم الفنان حمو بيكا بعد أن بث فيديو من داخل النقابة، يهاجمه فيه عقب رسوبه فى اختبارات حصوله على رخصة الغناء.
وقال شاكر خلال مداخلة هاتفية مع الإعلامي نشأت الديهي في برنامج بالورقة والقلم المذاع على قناة TEN، مساء الإثنين، «هوصلنا لهذه الدرجة من الإسفاف، انا حزين على المستوى اللي وصلناله في طريقة التعامل مع بعض، لازم نتحلى بالأدب».
وأضاف نقيب الهمن الموسيقية، أن الشئون القانونية الخاصة بالنقابة حررت محضرا في قسم عابدين مرفوق بفيديو الهجوم والتطاول، موضحا أنه أنشأ هاشتاج يدعو الناس للقيام بإزالة النقابة من على وجه الأرض.
وتابع شاكر، «ده شغل بلطجة الدولة فيها قانون، ونائب عام نموذج للحق، واحنا هنقدم بلاغ غدا الثلاثاء للنائب العام ضد حمو بيكا، الموضع باختصار انه دخل امتحان وكان رئيس اللجنة الموسيقار حلمي بكر، وقال إنه لا يصلح للغناء وسقط في النهاية».
وأكمل الفنان هاني شاكر «مش للدرجادي يكون في تجاوز بهذا الشكل، ما حدث غير طبيعي وغير مقبول، واحنا واقفين بكل حزم ومش هنسمح بأي تجاوز في الفن المصري».
وعن عقوبة حمو بيكا لو أقام حفلة غناء، أوضح رئيس نقابة المهن الموسيقية، أنه لو حدث هذا الأمر يعتبر مخالفا وسيتم وقفه من خلال لجنة المصنفات الفنية، قائلا: «لازم نحارب هذا الاسفاف، هو كان اتحبس قبل كده وصعب عليا وخرجته، والمرة الجاية هسيبه».
وفي فقرة أخرى، انتقد الإعلامي نشأت الديهي، الفنان حمو بيكا بعد أن بث فيديو من داخل نقابة المهن الموسيقية، يهاجم فيه الفنان هاني شاكر عقب رسوبه فى اختبارات الحصول على رخصة الغناء.
وقال الديهى، خلال حلقته ببرنامج بالورقة والقلم، المذاع على قناة TEN، مساء الإثنين: «ربنا يسامح اللى في مستشفى 57357 لأنهم سمحوا لهذا الشخص بالدخول للأطفال والتبرع لهم، وهو ميعرفش يعني ايه سرطان ولا ده برج سرطان، ياجماعة فوقوا شوية، جايبين بيكا يعملكم إعلان، عيب نسكت عن هذا الشكل».
وتابع مقدم برنامج بالورقة والقلم: «حمو بيكا مين ده أول مرة انطق الاسم ده، انا والله معرفه راح امبارح يتبرع، طلع من المستشفي راح على نقابة المهن الموسقية علشان يطلع تصريح ويكون مسجل في النقابة»، ولم عرف برسوبه هاجم النقابة قائلا: «الناس دي بتمنعنا ليه المرة الجاية هنزل الشارع وانا مش خايف من الحبس وهكسر في النقابة كل اللى بيسمع مهرجانات المرة الجاية هيكون في شتيمة وقلة أدب المرة الجاية هرجع اعملكم ثورة هنا».
وأكمل مقدم برنامج بالورقة والقلم: «الراجل اللي كان بيعمل أعمال خير وبر وتقوى شوفوا بيقول ايه في نقابة المهن الموسيقية، وفين الجمهور اللي بيسمعه، الناس دول عاملين نفسهم بيغنوا وهما ولا يعرفوا حاجة، ده بلطجي ومبيعرفش يغني، ايه بيقول هنزل الشارع واجيب ناس واكسر النقابة، لازم يتحبس مكانة في السجن ده واحد بلطجي مش همه حد».
وأضاف الديهي، «حمو بيكا ده من إفرزات مرحلة صعبة، هذا الرجل اللي بيهدد مكانه في السجن ويكون عبرة للآخرين، انت آخرك تشيل قصعة في الخرسانة، بتهدد النقابة انت عندك ميليشيا يا بيكا ولا إيه، انت جاى من مكان غلط وبتمثل عصر العشوائيات».
