ملخص تصريحات زينة عن أحمد عز.. قصة «أقسم بالله ما ولادي» من البداية للنهاية
طفت أزمة الفنان المصري أحمد عز وطليقته زينة على السطح مجددا بعد خروج الأخيرة في حلقة من برنامج «الحكاية»، الذي يقدمه عمرو أديب، وتحدثت باستفاضة عن الخلاف بينهما الذي وصل للقضاء لإنكار الزوج نسب الأولاد إليه في الواقعة الشهيرة بتعليق عز «أقسم بالله ما ولادي».
وحازت قضية أحمد عز وزينة اهتمام جماهير الفن خلال الساعات الأخيرة عبر مواقع التواصل الاجتماعي، وتواجد أحمد عز بأكثر عبارات طلات البحث عبر محرك البحث الشهير جوجل.
تصريحات زينة عن أحمد عز
وحكت زينة تفاصيل ارتباطها بأحمد عز من البداية، قائلة: «كنت بحب أحمد عز لإننا اتجوزنا سنتين ونص من 2012 في حفلة كبيرة في بيت أختي حضرها أهلي وأهله، وبعد لما مرضيش يطلقني خلعته في المحكمة».
وروت كيف بدأت أزمة الخلاف على نسب الأولاد «لما والده تعب كنت في أمريكا وحامل في الشهر الخامس فنزل مصر واتفق إنه هييجي يدفع مصاريف الولادة والمستشفى، ووافقت إني أعيش في أمريكا واسيب التمثيل».
وقالت زينة إن أحمد عز أخلف بوعده بالعودة مرة أخرى لأمريكا للتواجد معها برفقة أولاده، ولم يكن متواجدا يوم الولادة أو بعده.
وتابعت: «الناس فاهمين كل حاجة غلط وفاكرين إني رفعت عليه قضية إثبات نسب بس أنا معملتش كدا والناس تخيلت دا لإنه هو اللي عمل كدا».
وأضافت: «لما رجعت مصر من أمريكا مكتب وكالة الأهرام في المطار شافوا شهادات ميلاد الأولاد في المطار وكان مكتوب فيها إن اسم الأب أحمد عز فطلعوا الخبر».
وقالت: «بعدها بيومين طلع في برنامج مع عمرو الليثي ورفضت أروح ولما اتفرجت على البرنامج لقيته بيتهمني بالتزروير في الأوراق السليمة اللي معايا ».
وأكدت أنها استفادت من اشتهار الخلاف «أنا كنت بروح النيابة أسبوع يتحقق معايا كل يوم ودا كان مكسب لإن القضية اتحولت لحاجة ليها لازمة وأثبتت إنهم ولاده لإني مكنتش محتاجة دا علشان معايا شهادات الميلاد».
وعن علاقة أحمد عز بأولاده قالت زينة «أولادي كويسة بأبوهم وهي تخصهم وتخص أبوهم وهم بيحبوه جدا وهو بيحبهم والحاجات اللي بتحصل دي مصاريف مدارس لإنه ملزم بيهم».
وقالت: «أحمد عز بني آدم كويس وابن حلال ويعرف ربنا وممكن يكون اللي حصل دا شيطان، هو أبو ولادي ولما قولتلهم هطلع في البرنامج قالولي اوعي تغلطي في بابا واللي بيعمل حاجة غلط بترجعله».
