تفاصيل خناقة الفنانة ميار الببلاوي ونشوى مصطفى
تصدر اسم الفنانة ميار الببلاوي صفحات التواصل الاجتماعي ومحركات البحث، بعد أزمتها الأخيرة مع زميلتها في الوسط الفني نشوى مصطفى.
بدأت الأزمة بعد الكشف عن مشاركة الفنانة ميار الببلاوي في أحد الأعمال الدرامية في شهر رمضان 2021.
وما هي إلا فترة قليلة حتى نشرت الفنانة نشوى مصطفى منشور عبر صفحتها الشخصية على موقع التواصل الاجتماعي فيسبوك، تهاجم فيه الفنانة ميار الببلاوي.
وجاء في منشور نشوى مصطفى عبر صفحتها الشخصية على موقع التواصل الاجتامعي فيسبوك :«السنة اللي فاتت..في نفس التوقيت..زميلة عزيزة محجبة..قالت نصاً..أي ممثل بيشتغل في رمضان..حرام عليكم..سيبوا لنا رمضان نتعبد فيه..واستعدت الناس على زمايلها..اللي بيمثلوا مسلسلات رمضان.. وزعلت منى لما دخلت عاتبتها..الدهشة إنها السنة..دي مشتركة في مسلسل بتمثله..دلوقتي هيتذاع في رمضان.. أكيد هى حرة..بس فكرة تغيير المواقف..حسب المصلحة لفت نظري».
ولم يتوقف الأمر عند هذا الحد بل خرجت الفنانة ميار الببلاوي، بتعليق هي الأخرى على زميلتها نشوى مصطفى عبر حسابها الشخصي على موقع التواصل الاجتماعي فيسبوك.
وقال ميار الببلاوي في منشورها : «أتفاجئت..من بعض المتابعين ليا على الفيسبوك بعتولي إسكرينة..بكلام منشور من زميلة..محترمة بتروج إشاعة..معرفش ايه مصدرها..ولأن مش متابعاها..للاسف مخدش بالي..أنا معرفش هى بتتكلم عن ايه..بس انا لا تعليق..ولازم كلنا نفهم..أن محدش بياخد رزق حد..وكله بإيد ربنا..واحتراما لروح الزمالة..اللي بينا..والأيام الفضيلة..اللى احنا فينا..لا تعليق على كلامك واتمنالك الهداية».
ولا يعتبر هجوم نشوى مصطفى على الفنانة ميار الببلاوي هو الأول من نوعه، فسبق وقامت بذلك، في العام الماضي.
وهاجمت نشوى مصطفى الفنانة ميار الببلاوي، قائلة :«ودي زميلة ممثلة ومش معتزلة على فكرة لأن قريب كانت بتمثل عادي..والأخت مش عارفة إنه حرام تغتاب زميلة ليها وحاطة صورتها..لا حول ولا قوة إلا بالله..هو أنتي يا ميار اعتزلتي التمثيل؟..أصلك لحد قريب كنت عارفة أنك بتمثلي عادي حتى لو في رمضان..وبعدين الممثلين يضيعوا عليكي رمضان ليه؟..أنتي عاقلة بالغة وبعدين ياستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير ربنا يرزقك الجنة ويهدي زمايلك الأشرار.. يا ميار حرام تستعدي الناس على زمايلك وتقولي للناس مين معايا».
