كيفية الشراء من أمازون اليابان بسعر أرخص من مصر بالرابط (فيديو)
تصدر أمازون اليابان مواقع التواصل الاجتماعي على الإنترنت، بعد انتشار عدد كبير من المنشورات التي تؤكد شراء المنتجات والسلع المعروضة بسعر أرخص كثيرًا من الأسعار المتداولة في فرعه بمصر.
وتضمنت المنشورات كيفية الشراء من أمازون مصر، والتي لا تتطلب سوى خطوات بسطية تتيح لأي شخص التبضع بأسعار أقل بكثير من مثيلاتها في الداخل، خاصة وأن ثمن تلك المنتجات متضمنًا الجمارك وقيمة الضرائب.
أمازون اليابان
وكتب أحد المصريين على صفحته الشخصية عبر موقع التواصل الاجتماعي- فيس بوك-: صباح الخير يا رجالة، انا من شوية سمعت عن أمازون اليابان إن أسعاره حرفيًا نصف أسعار مصر، دخلت دورت على الكاميرا دي بما إني عايز اجيبها، لقيتها بحوالي 15 ألف وبالشحن والجمارك وكل الكلام ده عاملة 16.800 جنيه، فا انا بصراحة مصدوم من السعر وهي هنا معدية الـ 30 ألف، فا انا قلقان نصايحكم ليا؟
وكتب آخر: المصريين عملوا أزمة في أمازون وأمازون عندهم كارثة، مصرين جابوا حاجات من أمازون اليابان وطبعًا سعرها بعد ما وصلت مصر أرخص من سعرها في مصر، وبكده أمازون مشكلتها إنها متقدرش متعملش عملية البيع بسعر اليابان لمصر، ولا تقدر تبيع بسعر اليابان في مصر، وهم عمالين يضربوا أخماس في أسداس والعملية زيطة.
الشراء من أمازون اليابان
وقال ثالث: حوار امازون اليابان كمل، لو انت عايز تفهمه أو هتشتري منه، أول حاجة لازم يكون معاك فيزا دولي، بمعنى إنك تقدر تدفع بها عادي، وأمازون اليابان أرخص بكتير من أمازون مصر وأمريكا وإلخ.. .
وأضاف: عملة اليابان هي الين الياباني = 0,13 انتبه للفصلة مش نقطة فصلة تمام؟ دلوقتي آيفون 8 في مصر عامل بتاع 6 آلاف جنيه مصري تمام؟ في أمازون اليابان بتحسبها هو عامل 22,840 لو دخلت جوجل وكتبت 22,840 ين ياباني يساوي كم مصري هيطلعلك انه يساوي 3 آلاف وشوية، قول ونص مثلاً، طبعًا المبلغ ده بالجمارك وانت كل اللي بتعمله بتدفع من الفيزا بتاعتك وبتستني 3 أسابيع ولا حاجة والحاجة بتوصل لك لغاية عندك بدون ما تدفع مليم زيادة وبس كده، أهم حاجة لما تيجي تحسب افتكر إن في فصلة مش نقطة عشان هتفرق في الحسبة.
كيف اشتري من أمازون اليابان؟
ونظرًا لكثرة التدوينات وتصدرها موقع التواصل الاجتماعي- فيس بوك- أراد الكثيرون خوض التجربة، متساءلين: كيف اشتري من أمازون اليابان؟ وهو ما أجاب عليه من سبقوهم بالشراء.
وقال أحد المدونين عن طريقة الشراء من أمازون اليابان تكون كالتالي:
- ادخل على هذا الرابط.
- ادخل من حسابك على أمازون مصر وإذا لم تتمكن من ذلك انشئ حساب على أمازون اليابان.
- ادخل رقم هاتفك.
- ادخل البريد الإلكتروني ويشترط أن يكون مفعل.
- ابحث عن القطعة التي ترغب في شرائها.
- اختر المنتج.
- حدد فئة السعر.
- من خيار Seller اختر أمازون اليابان.
- قم بالاطلاع على الأسعار المتاحة للمنتجات بالضغط على المنتج الذي قمت باختياره.
- اضغط على خيار Proceed to check out.
- اختر البلد.
- اكتب اسمك بالإنجليزية.
- اكتب رقم الهاتف.
- اكتب كود بريد المدينة التي تسكن فيها.
- اختار المحافظة.
- اختر اسم المدينة.
- اكتب اسم أماكن مشهورة تميز منزلك لتسهيل الوصول له.
- اختر اليوم الذي ترغب في استلام المنتج فيه.
- أضف بيانات الفيزا.
- اختر العنوان.
- استكمل باقي البيانات.
طريقة الشراء من أمازون اليابان
ويمكنكم الاطلاع على كيفية شراء منتج من موقع أمازون اليابان والخطوات كاملة من الرابط التالي:
كيفية الشراء من أمازون اليابان بدون فيزا
وأما عن كيفية الشراء من أمازون بدون فيزاء، فقد أوضح المستخدمين أنه من شروط التبضع عن طريق موقع Amazon Japan أن يكون لدى المشتري كارت فيزا.
