طريقة جديدة في غش الذهب بمحل luxury .. الأسورة بداخلها حديد (صور)
كشفت الكاتبة الصحفية هويدا يوسف، عن طريقة جديدة في غش الذهب من واقع تجربتها الشخصية داخل إحدى المحال المعروفة، م أثار حالة من الجدل الواسعة بين المواطنين.
أوضحت يوسف، في منشور لها عبر حسابها الشخصي على موقع التواصل الاجتماعي فيس بوك، أنها كانت تمتلك أسورة من الذهب ولن تتمكن من استخدامها سوى مرتين فقط، وذلك بسبب كسرها بشكل مفاجئ.
طريقة الغش في الذهب بالمحلات
سردت هوايدا يوسف ما حدث معها عند ذهابها إلى الجواهرجي الكائن في مول بوينت 90، قائلة: «بلغني اني لازم اسبيها نشوف ينفع تتصلح ولا لأ و بعد ثلاث أسابيع تواصل معايا و قالي مش هتنفع ولازم حضرتك تيجي تختاري حاجة تانية أو تبيعيها دهب مستعمل قالتله حاضر».
واستكملت حديثها، قائلة: «بالفعل روحت النهارده اتفرجت علي المعروض معجبنيش حاجة قولتله خلاص هبيعها فقالي اخر كلام علشان هنكسرها قولتله مش انت قولت مش هتنفع تتصلح قالي اه قولتله خلاص اكسرها لقيته بيقولي اصل جواها حديد لازم نشيله علشان نوزنها قولتله ايه ازاي هي 17.39 جرام و تتباع بنفس الوزن».
وتابعت حديثها: «قالي لا يا فندم هي جواها حديد حوالي ٥ جرام و شوية فقولتله ازاي تبعلي جرامات دهب و اكتشف انها حديد كان لازم تقولي قبل ما اشتري قالي السوق كله كدة.. فقولتله انا مالي انا اشتريت دهب و هبيع نفس الجرامات دهب وانا افهم ان المفصل يبقي فيه سوسته اوكيه انما الجزء الي بيقفل ليه يبقي جواه حديد قالي هو كده».
وأردفت حديثها، قائلة: «انت بعتلي الحديد علي أنه ذهب ودلوقتي بتقولي انا بشتري ذهب مش حديد علي العموم مش مهم الفلوس و هتبقي مادة حلوة جدا علشان الناس تعرف طريقة الغش الجديدة فقالي خلاص نخصم 2 جرام فقولتله ولا جرام و هخدها كده وأوعي الناس افيد من الفلوس».
