5 أفكار مجنونة لهدايا الولاد في «الفلانتين»

يُقال إنه من الصعب إرضاء الرجال وخصوصًا إذا تعلق الأمر باختيار هدية «الفلانتين»، وصحيح إن هذا الاعتقاد ليس وليد اللحظة ولكن حتى وإن كان صحيحًا فنحن قادرين على تغيير الواقع.

ما عليك فعله لاختيار هدية مناسبة هو أن تحددي أولا ميزانيتك التي سيترتب عليها شراء هدية تقليدية أو أخرى «مجنونة».

أما إذا كنتي ترغبين في طبع هذا اليوم في ذاكرته مدى الحياة، فعليك اللجوء للأفكار المجنونة بدلًا من الطرق التقليدية التي لن تكون مرضية في معظم الأحيان.

وفي هذا التقرير «شبابيك» هتقدملك بعض الاقتراحات اللي هتساعدك في اختيار هدية «الفلانتين».

• Love board

«سبورة الحب».. على السبورة دي تقدري تنفذي كل الأفكار المجنونة من كتابة رسايل للشخص أو جمع صوركوا اللي بتفكركوا بأسعد لحظات حياتكو، كمان ممكن لو الطرف التاني بيعشق الشكولاته تستعيني بيها في السبورة.

وأسعارها تبدأ من 200 جنيه ويمكن تخفيض السعر بحسب الأشياء التي سيتم وضعها عليها.

• موتسيكلات أو عربيات:

لو هو بيحب الموتسيكلات أو العربيات، ففي هدايا نازلة بشكلين خشب وحديد على شكل الموتسيكلات والعربيات، جمعيهم معاه لحد ما يكون ليه مجموعته الخاصة. أسعارها بالنسبة للخشب بتبدأ من 89 جنيهًا، أما الحديد فتبدأ من 149.

• بلاي ستيشن:

كتير من الولاد بيكونوا عاشقين للـ«بلاي ستيشن»، علشان كده لو هو فعلًا بيحبها وحاططها في خططته المستقبلية، ظبطي ميزانتيك واشتريها على طول لإنها هتكون أكتر حاجه ممكن تسعده.

وأسعارها تبدأ من 1550 جنيهًا بحسب النوع، ولو هو عنده نسخة على اللاب الخاص به يمكنك فقط شراء «الدراعات» التي تبدأ أسعارها من 40 جنيهًا.

• ماجات فرانكو:

بما إن «الفرانكو» بقى لغة أغلب الشباب، فممكن تلجأي للهدية دي لو هو من الشخصيات اللي بتعشق «الفرانكو»؛ لإن الجديد هنا إن اللغة اللي موجوده على المج «فرانكو» مش إنجليزي. وأسعاره تبدأ من 79 جنيهًا.

اشتركيله في كورس:

لو هو محتاج يأخد كورس معين ومش مجهز الفلوس بتاعته، في كورسات أونلاين ممكن تشتركيله فيها بس هي بتكون محتاجه اشتراكات مالية بسيطة بتختلف على حسب المواد اللي بيكون حابب دراستها.

​​​​​​​