لتجنب الإلتهابات.. استخدم مزيل العرق بالطريقة دي

مزيل العرق أساسي في حياتنا بس ساعات بيعمل لينا إلتهابات ممكن تقعد فترة مش بتروح وكتير مننا بيتخض وبيفتكر إنه ورم، وعشان نحسم أمر حيرتنا دي «شبابيك» سألت دكتور الأورام حسن عبدالله، و دكتور عمرو عطية «هل مزيل العرق بيسبب ورم ولا لأ؟»

لم يثبت علميًا إن مزيل العرق ممكن يسبب ورم، بس ممكن يسبب إلتهابات، ودي بتكون نتيجة حساسية أو غدة عرقية وبنسب متفاوتة بين الأشخاص، وعشان نحمي نفسنا من الإلتهابات «عبدالله» و«عطية» بينصحوا بالحاجات دي:

نعتدل في استخدام مزيل العرق بالبلية الدوارة. ولو بنستخدم/ي «إسبراي» مزيل للعرق نستخدمه من فوق هدومنا مش على الجلد مباشرة عشان ده بيقلل فرصة حدوث أي إلتهابات .

بعد ازالة شعر الإبط مباشرة اقعد أسبوع ضع «برفيوم» بدل مزيل العرق وبعد الأسبوع استخدم عادي مزيل العرق وده لأن الـ«برفيوم» مطهر وبيمنع أي بكتيريا تعملك التهاب.

وتجيب مزيل عرق من شركات معروفة عالميًا و كون واثق فيها. وكل ده طبعًا لازم تعمليه مع اهتمامك بالإستحمام الدائم عشان تكوني محصنة نفسك من أي إلتهاب تتعرضي ليه.