كلام آه فعل مفيش!.. أشهر 9 أساطير بنعيشها باستمرار

كتبت- أميرة خالد:

الشعب المصري بيحب الكلام في كل حاجة سواء كان عارف الموضوع اللي بيتناقش فيه، أو مش عارف بس المهم إنه يشارك في الكلام.

كمان بيحب يوعد أنه هيعمل حاجات، ويفضل يقول كل سنة إنه هيعمل، ومش بيعمل أي حاجة في الأخر. «شبابيك» في التقارير رصدت أغلب الكلام الي بيوعد بيه الشباب ومش بينفذه:

هبدأ الدايت من يوم السبت

كل أسبوع البنت تبص في المراية وتشوف إن وزنها زاد وتقرر إنها يوم السبت الجاي هتبدأ الريجيم وتنزل الجيم، وإنها خلاص هتخس، بس تقريبا يوم السبت مبيجيش. أنا  هخربها في الاجازة  

نتيجة ضغط الامتحانات الكتير، وفي آخر أيام في العام الدراسي بيبتدي العقل يحط خطة أنه بمجرد ما يخلص الامتحانات هيقضيها خروجات مع صحابه وحفلات و في الاخر الأجازة بتخلص ومخرجش ولا مرة مع صحابه عشان «عاطف» مامته مريضيتش تخليه يخرج معاهم.

حافظ على صحتك.. هذه العادات اليومية تقتلنا ببطء (فيديو)

أغلب الوقت لما هتيجي تقدم على وظيفة هتتسأل عن اللغات الي بتتكلمها وأنت عارف ده وعارف أنك لازم تطور من نفسك وتتكلم أنجليزي كويس بس برضو كل مرة هتقول هاخد الكورس في الاجازة ومتروحش أو تروح ومن أول كام مستوي تبطل. امتي الشتا يجي

كلنا بنتمني الشتا يجي بسبب المطرة وجمال الجو السقعة في حين أن لما بيجي الشتا بنقول «هي فين الشمس.. وحشتنا» ومش بننزل نجري في المطرة زي ما كنا متوقعين وبنفضل قاعدين في البيت.

عادات تضر شعرك في ارتداء الحجاب.. البسي الطرحة صح

أول ما رمضان يبدأ كل سنة تتجمع الشلة ويقرروا أنهم لازم هيخرجوا سوا يفطروا برة وفي الآخر كل واحد بيفطر في بيته. مش هاخد شنط كتير المصيف

كل مصيف يقل استمتاعه بسبب كتر الهدوم والشنط اللي واخدها معاك وكل سنة بتقول مستحيل السنة الجاية إني آخد لبس كتير كدة تاني وبرضو هتاخد.

كيف تجعل القراءة ضمن عاداتك اليومية؟

كونك شخص مسرف ومش بتعرف تتحكم في نفسك في الصرف بيخليك كل فترة تتضايق وتقرر ساعتها أنك هتحوش فلوس عشان تسافر بيها مثلا، بس للأسف مبيحصلش وبتفضل تصرف برضو. هنام بدري النهاردة 

قرار أنك هتنام بدري بيجي بعد كل مرة صحيت فيها متأخر على الشغل، أو دراستك، إلخ، وكنت قبلها نايم متأخر سواء بسبب التفكير أو عجبك فيلم اتفرجت عليه بليل وبترجع تندم وتقول أنا بكرة هنام بدري وبيجي بكرة ومش بتنام بدري. هذاكر من أول الترم 

دي أكبر كدبة بيكدبها الطالب على نفسه لما بيتزنق أيام الامتحانات وبياخد ساعتها قرار أنه هيذاكر وبيجي بداية الترم ومش بيذاكر برضو.