خايفة على جسمك من الرضاعة؟.. بهذه الخطوات تجنبي ترهل الثدي

الرضاعة من أجمل الأشياء اللي بتقدمها الأم لابنها، لأنها تقوي الروابط العاطفية بين الأم والطفل، لكن بعض النساء بيتهربوا من  الرضاعة الطبيعية عشان معتقدين أنها بتسبب ترهلات في الثدي.

المعلومة دي خاطئة تماما، فالتغيرات اللي بتحصل في شكل الثدي بتبدأ مع الحمل. أما الترهل فبيحصل بسبب العادات الخاطئة التي بتتبعها الأم في فترة الرضاعة أو الحمل.

ليه جسمنا بيتغير بالرضاعة؟

من أول يوم في الحمل حجم الثدي بيزداد بالتدريج، عشان يكون قادر على حمل كمية كبيرة من اللبن بعد الولادة.

لكن زيادة الحجم معناها زيادة وزن الثدي، وحدوث ضغط على الأربطة اللي بتربطه مع عضلات الصدر. وهنا الأربطة دي بتضعف ومش بتكون قادرة على رفع الثدي وجعله مشدود زي الأول.

وبسبب بعض العادات الخاطئة التي بترتكبها السيدات خلال الرضاعة، مع أسباب تانية زي النظام الغذائي والاهتمام بالبشرة، الترهلات بتزيد.

والعلاج بيكون في بعض الخطوات اللي تحافظي بها على الثدي من الترهل أو تعيده إلى شكله الطبيعي قبل الحمل.. هي:

ارتدي حمالة صدر مناسبة

ارتداء حمالة صدر بالمقاس المناسب، هتخلي الثدي مشدود طول الوقت، وتمنع الأربطة من الارتخاء بسبب زيادة الحجم.

اختيار المقاس المناسب لحمالة الصدر مهم جدا عشان ترفع الثدي بالشكل المطلوب، ومتكونش واسعة فتسبب الترهل، أو ضيقه فتسبب الألم  أو تمنع تدفق الدورة الدموية، واللي بيؤدي لتراكم السموم والإصابة بالسرطان.

وضعية مناسبة للرضاعة

عند الرضاعة احرصي على «فرد ظهرك» بشكل كامل. بلاش تميلي على طفلك عشان توصلي له، أو تضغطي على الثدي للأسفل عشان توجهيه ناحية الطفل. لأن كل دي تصرفات خاطئة بتؤدي لارتخاء الأربطة.

وبدل انحناء ضهرك، اختاري وسائد مريحة ومناسبة، عشان ترفعي طفلك ويوصل لمستواكي أثناء الرضاعة، وجسمك يفضل مشدود.

ممارسة الرياضة

الرياضة بتشد عضلات الجسم بالكامل.  ابدأي بالتمارين البسيطة للغاية، زي التمشية المستمرة أو ممارسة السباحة أو تمارين الآيروبيك في البيت. لكن كل ده بعد ما تأخدي رأي الطبيب في التمارين المناسبة لك.

وأوعي تفقدي الوزن بسرعة، لأن ده أكبر سبب بيؤدي لترهل الجلد والأربطة الموجودة بالثدي.

تمارين لشد الثدي

أكثر حاجة لازم تحرصي عليها مع كل ده هي التمارين المخصوصة لشد عضلات الصدر. ويفضل ممارسة التمارين دي باستخدام «الدمبل» الخاص بتمارين الآيروبيك واللي وزن يترواج بين من 1 لـ 2 كيلو، لأنه بيعمل على شد العضلات بصورة أسرع.

 

 

 

 

 

ويمكنك ممارسة  التمارين دي بدون «دامبل» لو بترتاحي أكثر.

المساج

أثناء الاستحمام  دلّكي الثدي بالمياه الدافئة لأنها تعمل على تدفق الدورة الدموية. وبعدها اعملي مساج آخر بالمياه الباردة، لأنها تساعد على شد الجلد المترهل.

استخدمي المرطبات

الترطيب المستمر بيجعل الجلد أكثر مرونة، فيعود الثدي لشكله الطبيعي بسهولة.

اسخدي المرطبات مرتين في اليوم، فهي بتساعدك على إخفاء علامات التمدد التي ظهرت بسبب الحمل وزيادة الوزن.

اليوجا

الشيء المهم برده هو تمارين يوجا المخصصة لشد عضلات الصدر.

 

 

 

لو كانت التمارين صعبة عليك، ابدئي بالتدريج، لمدة أو 5 دقائق.. وخدي فترة راحة وبعدين 5 أو 10 دقائق تانيين. وبرده خدي رأي الطبيب في الوضعية المناسبة لك أو اللي متسببش لك ألم في الظهر مثلا.

نظام غذائي مناسب

الجسم بيحتاج لعناصر غذائية معينة بتجعل الجلد أكثر مرونة وعشان تشد الأربطة مرة تانية.

كتري من الفواكه والخضراوات والعناصر المضادة للأكسدة وفيتامين  «B» و«E». والموازنة بين البروتين والدهون والكروهيدرات، لأنها بتقوي أربطة الجسم، بما فيها أربطة الثدي.