لو متجوز جديد.. علامات بتقولك اهتم بمراتك حبتين تلاتة
لو متجوز جديد خلي بالك إن مراتك محتاجة إنك تهتم بيها حبتين تلاتة أربعة، مش عشان هى خنيقة لأ ده عشان هي بتحبك جدًا وفيه علامات بتبين ليك الكلام ده.
وحشتني
لما تلاقيها بتقولك إنك وحشتها كل شوية، يبقى هي كدة حاسة إنك بعيد عنها مع إنك ممكن تكون قاعد معاها ومش بتتأخر على البيت، ودي واحدة من العلامات اللي قال عليها موقع Life hack.
هي بتكون حاسة إنك بعيد عاطفيًا عنها وهي محتاجة وجود روحك معاها ومحتاجة تسمع منك كلمة «وأنتي كمان وحشتيني» وأنت بتقولها وتطمنها إنك جنبها وبتحبها.
مهتم بيها أكتر مني
لما تخرج مع أصحابك أو تروح الجيم هى بتحس إنك مشغول عنها ومهتم بالحاجة ديه أكتر منها فبتقولك كدة «أنت مهتم بالحاجة دي أكتر مني» بس هي مش قصدها إنها تخنقك أو تضايقك أو متديش ليك مساحتك هي قصدها إنك تهتم بيها زي ما بتهتم إنك تقابل أصحابك أو إنك تهتم إن جسمك يكون كويس.
ممكن تسألها «إيه رأيك نخرج سوا الأسبوع الجاي هوديكي مكان قد إيه هيفرحك» أو مثلًا تقولها «ما تيجي تروحي معايا الجيم نظبط كدة صحتنا وفيه كمان دروس زومبا ممكن تخرجي فيها طاقتك كدة يعني» خليها تحس إنك قد إيه عايز تفرحها.
إحساس بالذنب
لما تلاقيك مشغول بحاجة مثلًا قاعد على الإنترنت أو أي حاجة بتعملها وتقولك «أنت قاعد بقالك ساعة على الإنترنت» وتحسسك بالذنب كدة هي من الطريقة دي بتقولك فيما معناه إنك مشغول بالحاجة ديه وسايبها قاعدة لوحدها.
فحاول إنك تعمل موازنة بينها وبين شغلك وأوعى شيطانك أبدًا يوزك ويقولك إنها خانقاك ومطهقاك في عيشتك لأن كل الكلام ده مالوش أساس من الصحة. هي بتحبك بس كدة.
أنت مش بتحبني
لما تقولك «أنت مش بتحبني» هى بتكون شايفة إن حبك ليها مش كافي أو مش ده الحب اللي كانت منتظراه منك هى محتاجة حب زيادة زيادة قوي يغرق روحها ويملا قلبها :)
أنا مش أولوية
ممكن في لحظة مراتك تحس من كتر ما أنت مش مهتم بيها زيادة إنها مش أولوية عندك وإنها على الهامش وإن حياتك برا بيتكوا هى الأولوية وهتقولك كدة لأنها حاسة بده وساعتها أقف مع نفسك وأهتم أكتر بيها عشان متخسرش حبيبتك.
إخترنا لك
