الأمراض النفسية في مسلسلات رمضان.. حقيقة ولا خيال؟
المرض النفسي في دراما رمضان السنة دي موجود في 3 مسلسلات وكل مسلسل بيعرض مرض مختلف عن التاني. فهل قدرت الدراما إنها تعبر عن الواقع اللي بيعيشوا المرضى النفسيين ولا لأ؟ وهل ضروري إن العمل الفني ينقل الواقع؟
هل كسب «داعش» من حضوره اللافت في الدراما المصرية؟
فوق مستوى الشبهات
«رحمة» أستاذة جامعية متخصصة في التنمية البشرية من برا هي شخصية ناجحة الناس بتحترمها لكن من جواها سواد الدنيا اللي بيوصلها إنها تقتل. وتعمل نفسها ولا كأنها عملت حاجة وبنكتشف إنها بتعاني من مرض نفسي. والمسلسل من بطولة سيد رجب وشيرين رضا وأحمد حاتم. وتأليف المسلسل لأمين جمال وعبد الله حسن والإخراج لهاني خليفة. وعن المسلسل ده بتقول «خير الله» إن الحدوتة بتاعته بتخدم الدراما وفيها جزء واقعي بمعنى إن فيه ناس في المجتمع نسبة الشر عندهم عالية لكن بيبانوا قدام الناس إنهم كويسين. الخانكة «أميرة» بتشتغل في مدرسة دولية وبتتعرض للتحرش من واحد من طلابها ولما حاولت تدافع عن نفسها دخلوها مستشفى الخانكة للأمراض النفسية. فبتضطر المدرسة إنها توقفها عن العمل. المسلسل من بطولة غادة عبدالرازق، وماجد المصري، وفتحي عبدالوهاب ، وتأليف محمود دسوقي والإخراج محمد جمعة. تسليط الضوء أما الناقدة ماجدة موريس فشايفة إن المجتمع مليان بالقضايا والمشكلات اللي محتاجة إن الدراما تسلط الضوء عليها بس بشكل يكون موزون وبرؤية فنية موضوعية . وإدتنا مثال على مسلسل «سقوط حر» اللي قدرت الدراما فيه تعبر عن المرض النفسي الموجود في المجتمع و أشادت كمان بمسلسل «تحت السيطرة» اللي إتعرض في رمضان السنة اللي فاتت. واللي قدر برضه يعبر عن قضية إدمان المخدرات في مجتمعنا بكل جوانبها. وده طبعًا مش زي ما كانت بعض الأعمال بتدينا لمحة بس عن المدمن بدون الدخول في حياته.لماذا يلمع «القناوي» في الدراما؟
رأي الطب النفسي
وعن سؤال دكتور جمال فرويز إذا كانت الدراما النفسية في رمضان السنة ديه قدرت تعبر عن الواقع اللي بيعيشوا المرضى النفسيين ولا لأ قالنا إنه تم إظهار الناحية المرضية في مسلسل «سقوط حر» و«فوق مستوى الشبهات» بصورة واقعية وجيدة وإن كان فيه شرح للمرض وتوصيف ليه صح.
وكمان الأعمال سلطت الضوء على نظرة الناس للمرض النفسي وإنه مينفعش يتم عدم الإهتمام بيه لأنه زي أي مرض لازم نكون واخدين بالنا منه عشان نقدر نعالجه من بدري لأن كل ما إتعالج من بدري كل ما كانت الإستجابة لشفا المريض عالية جدًا.
وبيكمل دكتور جمال كلامه بأن أداء نيللي كريم في مسلسل «سقوط حر» أداء متميز جدًا وإنها قدرت تتقمص المرض وإن وشها كان معبر جدًا.
وكمان الممثلة اللي في الصورة دي كان عندها قدرة فائقة على إستخدام تعبيرات وشها وهى بتجسد حالة المريضة النفسية في نفس المسلسل.
وكمان يسرا في مسلسل «فوق مستوى الشبهات» قدرت تجسد لينا الشخصية السيكوباتية بكل تفاصيلها اللي الشعور بالذنب عندها غير موجود.
وعادي عندها إنها تأذي مشاعر الناس بلا مبالاة منها وبإبتسامة باردة على وشها. وبيكمل دكتور جمال وبيقول إن الدراما النفسية قدرت تغسل من ذهن الناس صورة المجنون اللي بيقعد يرقص ويغني في أفلام زمان واللي ملهاش أي صلة بالواقع.
دكتور جمال بيقول «أنا من ساعة ما اتفرجت على المسلسلين قررت إني أخليهم كمثال عملي وأنا بشرح للطلبة سواء مثال على مرض الكاتاتونيا اللي جسدته نيللي كريم أو الشخصية السيكوباتية اللي جسدته يسرا».
