رئيس التحرير أحمد متولي
 في سينما العيد.. هتعيدوا مع السقا ومنى زكي وويزو

في سينما العيد.. هتعيدوا مع السقا ومنى زكي وويزو

رمضان قرب يخلص والعيد خلاص على الأبواب كل سنة وإنتوا طيبين :) . والعيد السنادي فيه تنويعة من الأفلام هتنزل في السينيمات تقدروا تعيدوا معاها.

من 30 سنة

بيحلم شريف منير كل يوم إنه بيقتل حد ميعرفوش ولما بيصحى بيقتلهم فعلًا وعشان يحل المشكلة لجأ لأحمد السقا صاحبه اللي غدر بيه وراح بلغ الشرطة عنه عشان يقبضوا عليه ويخلى ليه الجو مع منى زكي حبيبة شريف منير واللي بيحبها برضه السقا. الفيلم من بطولة أحمد السقا وشريف منير ومنى زكي وصلاح عبدالله.

 بوستر الفيلم (9)

اقرأ أيضا: من المسئول عن اختفاء الآثار بالسينما المصرية؟

عسل أبيض

طفل بيتخطف من عيلة ثرية جدًا ولما بتحصل محاولة إنه يرجع لأهله بتحصل مواقف كوميدية كتيرة بين أبطال الفيلم. «عسل أبيض» بطولة سامح يسري، وشيماء سيف، وويزو، ولطفي لبيب، وبيومي فؤاد وتأليف محسن رزق وإخراج حسام الجوهري.

أبو شنب

ياسمين عبدالعزيز طالعة بدور ضابط شرطة بتتعرض لحالة تحرش وبتصمم بعدها إنها تقضي على كل المتحرشين في المجتمع والفيلم من بطولة بيومي فؤاد، وظافر عابدين، ورجاء الجداوي، وشيماء سيف، وإنتاج أحمد السبكي، وتأليف خالد جلال، والإخراج لسامح عبدالعزيز.

اقرأ أيضا: هكذا بدّلت السينما لسان المصريين.. الدليل في 23 مثال

جحيم في الهند

مجموعة باحثين بيروحوا الهند عشان يعملوا شوية أبحاث وهناك بتحصلهم مواقف كوميدية كتيرة. الفيلم بطولة محمد عادل إمام، وياسمين صبري، وبيومي فؤاد، ومحمد سلام، وأحمد فتحي، وحمدي ميرغني، وعدد من الفنانين الشباب، ومن تأليف مصطفى صقر وإخراج معتز التوني.

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»