مفاتيح البحث على جوجل.. هنخليه خاتم في صباعك
لو بتلاقي مشكلة في إنك تدور على جوجل وتوصل للحاجة اللي أنت عايزها، في الموضوع ده هنقولك المفاتيح اللي تقدر تدور بيها واللي لما تعرفها جوجل هيكون خاتم في صباعك ?
"التنصيص"
عايز تدور على أي كلمة أو جملة حطها بين علامتين التنصيص دول ” ” وهيطلعلك كل المواضيع اللي فيهم الكلمة دي.
اقرأ أيضا:مزايا مذهلة لـ «خرائط جوجل» قد تسمع عنها لأول مرة
زائد +
عايز تدور على كلمتين معينين اكتب الكلمة الأولى+الكلمة التانية وهيطلعلك كل المواضيع اللي فيهم الكلمتين دول.
قد يهمك أيضا:«طريقك سالك» مع خدمة «جوجل» للمرور
Site:
ولو عايز تدور على مواضيع جوا موقع معين اكتب Site:bbc.com مثلًا وهتلاقي طلعلك الموقع اللي تقدر تدخل جواه وتدور على اللي أنت عايزه.
اقرأ أيضا: ما هو «إنترنت الأشياء»؟.. جوجل يجيبك عن مكان مفاتيحك
الميكروفون
أكيد معظمكوا لاحظها بس ممكن بعضكوا مفكرش يستخدمها مع إنها هستهل عليه كتير. لما تدوس على شكل الميكروفون ده هتقدر تبحث على جوجل بأي حاجة أنت عايزها بصوتك. وكل اللي عليك إنك تتكلم وتلقائي هيبعتك للصفحة اللي فيها اللي قولت عليه.
وطبعًا ده هيخليك مش مضطر إنك تكتب وتدور، لأ ده من خلال صوتك جوجل هيظهر ليك النتائج اللي أنت عايزها وحتى لما يظهر ليك النتائج وتكون عايز تدور على نتائج غيرها برضه دوس على شكل الميكروفون اللي موجود جوا وقول اللي أنت عايزه.
صورة
زي ما تقدر تبحث بصوتك تقدر كمان تبحث بصورة لو أنت مش معاك معلومات عنها واللي عليك إنك هتدخل الصورة من خلال شكل الكاميرا اللي موجود في شريط البحث.
وهتوصل للمعلومات الخاصة بيها. وطبعًا أنت بتكون محمل الصورة على جهازك عشان نقدر تحملها على جوجل زي ما شكل الصورة دي بيوضح.
قد يعجبك أيضا: بدون تعب.. اربح من «جوجل» 6 دولارات في الأسبوع
- (ناقص)
أما بقى لو عايز تدور على كلمة معينة بس مش عايز يظهر ليك كلمة تانية بتكتب الكلمة اللي عايزها – الكلمة اللي مش عايزها وهيظهر ليك اللي عايزه من غير اللي مش عايزه. وخلي بالك إن يكون فيه مسافة صغيرة بين الكلمة الأولى والعلامة دي – عشان نتيجة البحث تطلع صح.
اقرأ أيضا: 5 أسئلة احذر أن تسأل «جوجل» عنها
رقم*رقم
لو عايز تحسب أي رقم اكتب الرقم والعلامة دي* وبعدين الرقم التاني ودوس بحث هتلاقي طلعلك حاصل النتيجة وآلة حاسبة لو عايز تحسب مرة تانية.
define
لو عايز تعرف معنى أي كلمة بالإنجليزي هتدخل على جوجل UK وتكتب define: book والكلمة اللي عايز تعرف معناها زي ما مكتوب كلمة book كمثال.
ولو عايز برضه تعرف معني أي كلمة في اللغة العربية هتعمل نفس العملية على جوجل وهتكتب define : والكلمة بعد النقطتين وهيطلعلك التعريف.
