نعم للتعدد.. يافطة إعلانات تثير الجدل في شوارع طنطا ما القصة؟
تداول الكثير من رواد مواقع التواصل الاجتماعي صور ومنشورات ليافطة إعلانات في شوارع طنطا بمحافظة الغربية، خلقت حالة من الجدل حيث دوّن عليها: « نعم للتعدد.. واحدة مش كفاية».
ردود أفعال المواطنين على يافطة إعلانات نعم للتعدد
قابل أهالي طنطا تلك الإعلانات المُعلقة في طرقها، بنوع من الفكاهة، على السوشيال ميديا كما نشر صاحب حساب Ghareeb Elshaikh، معلقًا: «الإعلانات اللي هتقابلك علي الطريق ومراتك راكبة جمبك».
كما كتب حساب باسم «أحمد شعبان آل علمي»: «حبيبتي يا طنطا، من زمان وأنا بحب طنطا، كل الدعم لطنطا ولرجالتها وللسيد البدوي عم الدنيا، فعلوا الهشتاج دعمًا لإخوانكم في طنطا نعم للتعدد #واحدة_مش_كفاية».
وقام أيضا Mohamed Elashmawy على صفحته الشخصية بنشر صور اليافطات، ومدونًا: «خلصنا من عبد الواحد اول واحد، دخلنا فى نعم للتعدد رايحه بينا على فين يا بلد!.. #واحدة_مش_كفاية».
من هي الراقصة ليندا مارتينو بعد القبض عليها؟
سحب الجنسية من هند صبري.. ما القصة؟
بينما اهتم البعض بمعرفة الهدف من الإعلان والمروج له، كما نُشر على إحدى جروبات طنطا على الفيسبوك: «هي وصلت لكده؟ نعم للتعدد؟أنا شامة ريحة مطعم فرايد تشيكن جديد.. لقيت اليفط دي متعلقة النهاردة على كوبري المعرض».
وذكر آخرون بعض تنبؤاتهم في التعليقات التالية: «فالأغلب شقق أو عربيات - ممكن يطلع كفتجي».
بينما جاءت النسبة العظمى من التعليقات مليئة بالمزاح حول فكرة التعدد، كما يلي: «كوبري المعرض بيهزر - طنطا بقت غريبة أوي مؤخرا - بلا وكسة انتو مش قادرين على طلبات واحدة هتجوزو أكتر من واحدة ازاي ولا خلاص هتقلبو نسوان واحنا هنبقا الرجالة اللي بتصرف».
وفي هذا السياق، فقد لاقى هاشتاج «واحدة مش كفاية» رواجا كبيرا بين الرجال والشبان، بعد انتشار تلك اليافطات في طنطا وتداولها على منصات التواصل الاجتماعي.
