طلب ارتباط رغم اختلاف الديانة.. بتول الحداد تستغيث من نائب سابق
ظهرت الفنانة الشابة بتول الحداد وهي في حالة انهيار تام، تطلب الاستغاثة بعد تعرضها بحسب روايتها، للضرب والتهديد والابتزاز من شخصية عامة، نائب برلماني سابق، قالت إنه يضغط عليها للزواج منه بالإكراه، وقالت في الفيديو:«أنا بتول، بكل أسف بيتعرض لي شخص كان نائب سابق في مجلس الشعب، مش قادرة أقول اسمه عشان ميبقاش سب وقذف بعد كل اللي بيحصل فيا»
فيديو أزمة بتول الحداد
أوضحت بتول الحداد أنها كانت على علاقة بهذا الشخص استمرت لمدة عامين، لكن انتهت بمحض إرادتها، بسبب اختلاف الديانة، مؤكدة: «اتفقت أنا وهو إننا منكملش عشان مش هينفع، هو مسيحي وأنا مسلمة».
وأضافت أنها فوجئت باعتدائه عليها جسديا بعد رفضها استكمال العلاقة، مشيرة أنه اقتحم إحدى مناسبات خطوبتها وتعدى عليها أمام الحضور، مضيفة: «ضربني في العربية، وشي وارم ورقبتي وارمة، الناس بتوع الباركينج شالوه من فوقي قبل ما يموتني».
وأكدت أنها تعيش حالة من الخوف والرعب المستمر بسبب تهديداته، لافتة إلى أنه يتتبعها ويظهر في أماكن تواجدها، بل وسبق له الاعتداء عليها علنا قبل عام، وتدخل المارة لحمايتها منه، وفي محاولة منها لتوضيح سبب ظهورها في البث.
وقالت الحداد: «أنا بعمل اللايف ده بناء على نصيحة حد أعرفه كويس، قال لي ده اللي ينقذك، أنا لا عايزة لايف ولا فضايح، بس لو حصل لي حاجة أو لأي حد من أهلي أو شركتي، الإنسان ده هو السبب».
واختتمت بتول استغاثتها برسالة إلى متابعيها، قائلة :«أنا مش عايزة أكمل في حاجة غصب عني، أنا اتهنت وانضربت، أنا بعيش تحت تهديد، وبدعي ربنا يبعده عني، أنا يا إما هموت نفسي يا إما هو يبعد، ده واحد مصمم نبقى مع بعض بالعافيه هو مسيحي وأنا مسلمة يعني مصيبة كل مرة كنت بحاول أبعد كنت بتأذي وانضر وكنت بحاول أمشي الدنيا من غير ما أعمل حاجة غلط، بس أنا خلاص حاسة أني في كابوس ومش عارفة أفوق منه، حاولت أسيب البلد كلها وأمشي مش عارفة لأن شغلي هنا ومستقبلي هنا، بقالي 13 سنة شغالة في التمثيل من وأنا في أولى معها».
الجدير بالذكر أن الفنانة بتول الحداد شاركت مؤخرا في عدد من الأعمال الفنية، منها مسلسل «في لحظة»مع الفنان أحمد فهمي، وحققت إشادات واسعة من الجمهور والنقاد، والمسلسل شاركهما في بطولته ميرنا نور الدين، نجلاء بدر، آيسل رمزي، صفاء الطوخي، إدوارد، يوسف عثمان، سارة الشامي، أحمد ماجد، جالا هشام، يوسف وهبي، وهو من تأليف هشام هلال وإخراج أحمد خالد.