هتدخل حقوق.. يبقى لازم تعرف المعلومات دي
بص يا سيدي لو حابب تدخل كلية حقوق أو دخلتها غصب عنك عشان التنسيق يبقى محتاج تقرأ الموضوع ده، لأن فيه كل حاجة عايز تعرفها عن الكلية.
كليات الحقوق موجودة في كل جامعات مصر تقريبا، يعني القاهرة، عين شمس، حلوان، المنصورة، الأسكندرية، وأسيوط، وغيرها.
-
ينفع أدخلها وانا علمي؟
أه ينفع تدخلها من علمي أو من أدبي كمان.
-
إيه أقسام بتاعت الكلية؟
أول قسم: هو قسم اللغة العربية، وده بتدرس فيه كل المواد باللغة العربية، ماعدا مادة واحدة باللغة الإنجليزية وده ملوش شروط.
عايز تدخل إعلام ومجموعك قليل؟.. هذه البدائل تناسبك
-
طب هدرس مواد إيه في حقوق عربي؟
أول سنة دي يا سيدي هتدرس مداخل للمواد مدخل لعلوم قانون، ومدخل للأحوال شخصية، ومدخل جنائي، ومدخل مدني، وكلها بدايات للعلوم اللي هتتدرسها بعد كده.
القسم التاني: هو قسم اللغة الفرنسية، وده بتدرس أغلب المواد باللغة الفرنسية، وشرط أساسي في القسم ده أنك تكون خريج مدارس فرنسية في الأساس.
القسم التالت: هو قسم اللغة الإنجليزية، وبتدرس فيه أغلب المواد باللغة اللإنجليزية، ومواد بالعربي يعني المنهج حوالي 60% إنجليزي، و40% عربي، ومش لازم تكون خريج مدارس لغات عشان تدخل القسم ده، وأهم حاجة بس تكون دراجتك في الإنجليزي فوق الـ40، ودي بتختلف من سنة لسنة، يعني مثلا السنة اللي فاتت خدت اللي جايب 43 فيما فوق فهي مسألة نسبية على حسب التنسيق.
المواد اللي هتدرسها في أول سنة في القسم الإنجليزي هي: Political systems- Criminilogy & penology Introduction to law- International organizations- Legal terminology Anglo -American law Economics بالإضافة إلى شريعة إسلامية نظرية قانون- قانون دستوري- وفلسفة- وتاريخ قانون.
وقسم اللغة الأنجليزية والفرنسية هي أقسام خاصة بفلوس يعني ممكن السنة الواحدة تقف بـ10 آلاف وأنت طالع.
حلمك تدخل هندسة ومجموعك قليل؟.. هذه البدائل تناسبك
-
طب لما أتخرج هشتغل إيه؟
سؤال بديهي خريج حقوق يبقي بيشتغل إيه محامي :D بس مش بس كده في حاجات تانية زي الهيئات القضائية، ربنا يكرمك وتبقي قاضي، وممكن تبقي باحث قانوني تشتغل في الشؤون القانونية للشركات والمصانع، وممكن كمان تشتغل في الجهات النيابية إلخ... وممكن تشتغل حاجه تانيه خالص زي الصحافة :D ودراستك للقانون هتفيدك في شغلك، خاصة لو اشتغلت صحفي حوادث.
حلمك تدخل هندسة ومجموعك قليل؟.. هذه البدائل تناسبك
-
كلمة في ودنك
لو دخلت كلية الحقوق غصب عنك عشان مجموعك جبها حاول تستغل سنوات الكلية دي بأنك تتعلم حاجة بتحبها وتنمي مواهبك بجانب سنين الدراسة. يعني في فنانين كتير خريجين كلية الحقوق والدراسة موقفتش طموحهم زي خالد صالح، وفؤاد المهندس، ومحمود ياسين، وشريهان. أو أنك تحب الكلية وتستمتع بدراستها وتبقي حاجة كبيرة منها نتيجة لطموحك.
وعلى فكرة رئيس جامعة القاهرة الدكتور جابر نصار، خريج كلية الحقوق، وفي كلمته خلال احتفالية تخريج 5 دفعات من الكلية قال إنها خرجت رؤساء جمهورية، وأمين عام للأمم المتحدة متفرد، و58 وزير عدل، و28 وزير خارجية، و32 وزير تعليم عالي وتعليم و19 وزير شؤون اجتماعية.
