متخفش من أغسطس.. اسحب كرسي واتفرج على المسرحيات دي
اللي كنا خايفين منه حصل، وخلاص دخل علينا وطبعًا كلنا عارفينه، وأول حرف منه «أ» أيوه هو بعينه أغسطس :D بس برضه إحنا مش هنسكت ولا هنستسلم للملل وعشان كده جبنا ليك في التقرير ده مسرحيات مختلفة تكسر بيها ملل أغسطس «أطول شهور السنة :D ».
نهاية اللعبة
يوم 3 و4 أغسطس هيتعرض على مسرح الطليعة الساعة 7 مساءً مسرحية «نهاية اللعبة» وده في إطار فاعليات المهرجان القومي للمسرح في دورته التاسعة اللي باسم الفنان نور الشريف.
والعرض من تمثيل عمرو عفيفى، ومصطفى خطاب، والنص المسرحي تأليف صامويل بيكيت، ورؤية وإخراج يوسف مصطفى.
عنوان مسرح الطليعة: ميدان العتبة، وسط البلد، وقريب من محطة مترو العتبة.
الحضيض
أما فريق مسرح كلية الهندسة جامعة القاهرة هيعرض مسرحية «الحضيض» عن الكاتب مكسيم جوركي يوم الجمعة 5 أغسطس والسبت 6 أغسطس الساعة 9 في قاعة زكي طليمات بمسرح الطليعة.
وسبق وفاز العرض بالمركز الأول في مهرجان جامعة القاهرة للعروض الطويلة في ابريل 2016 بالإضافة إلى إنه أخد جوايز في التمثيل، والمركز الأول لكل من المكياج والملابس والاضاءة والديكور والاخراج. والعرض من بطولة بولا ماهر، وحسام سالم، وأحمد موسى، ودراماتورج وإخراج محمود جمال.
عنوان مسرح الطليعة: ميدان العتبة، وسط البلد، وقريب من محطة مترو العتبة.
الرمادي
أما يوم السبت برضه 6 أغسطس ويوم الحد 7 أغسطس هيتم عرض مسرحية «الرمادي» عن رواية «1984» للكاتب الانجليزى جورج أورويل الساعة 7 مساءً بمركز الهناجر للفنون بدار الأوبرا المصرية. والعرض من تمثيل فرقة المسحراتية وإعداد آمال الميرغني، ودراماتورج وإخراج عبير علي.
الدخول بتذاكر مجانية وبأسبقية الحضور
الصفحة رقم 13
مسرحية «الصفحة رقم 13» هتتعرض يوم 13 و14 اغسطس الساعة 7 مساءً علي مسرح الهوسابير. ودخول المسرحية هيبدأ من الساعه 6 ونص مساءً. والعرض من بطولة إيهاب شعبان، وعادل مبروك، وأمنية طلعت، وعلا شحاتة ومن تأليف وإخراج محمد ذكي.
والعرض حاصل علي جائزة أحسن عرض بمهرجان «الكبري» بجامعة عين شمس. وجائزة أحسن مخرج، وأفضل مركز ثاني إضاءة، وممثلين مستوى أول إيهاب شعبان ومحمد أكرم، ومستوى ثاني مصطفي رأفت و مستوى ثالث مروان علي.
سعر التذكرة: 20 جنيهًا
طرق الحجز: من شباك تذاكر مسرح الهوسابير يوميًا من الساعة 3 للساعة 10، أو ابعت مسج علي صفحتهم من هنا، وهتعرف كل التفاصيل أو كلم الأرقام دي واحجز.
من القاهرة:
عادل 01126746722
رأفت 01125128679
محمد ذكي 01006756660
من الاسكندرية:
مصطفي محمد 01007521346
ايهاب شعبان 01010410340
من الجيزة والهرم
مينا ثروت 01226355689
عنوان مسرح الهوسابير:
شارع الجلاء، خلف مستشفي السكة الحديد، وسط البلد. ولو جاي بالمترو انزل محطة أحمد عرابي، وهتلاقي المسرح قدام مستشفي السكة الحديد.
مسرح مصر
مسرحية «قسمة ونصيب» ومسرحية «بيقولوا» هيتعرضوا من يوم 11 أغسطس لـ 13 أغسطس الساعة 8 مساءً في فندق جراند أوتيل. وكمان عروض مسرح مصر تقدر تشوفوها كل يوم جمعة الساعة 8 على قناة «إم بي سي مصر».
مكان المسرح: داخل فندق جراند نايل تاور، جاردن سيتي، أمام الفور سيزون.
سعر التذاكر: 75 و100 و150 جنيهًا.
شراء التذاكر: ممكن شراء التذاكر أونلاين بالضغط هنا وممكن تختار اليوم من النتيجة اللي في أخر صفحة الموقع.
أو تشتريها من منافذ تيكيتس مارشيه اللي عناوينها بالضغط هنا أو تكلم تيكيتس مارشيه على 16826.
في قلبي أنثى عبرية
فريق «فن محوج» هيقدم يوم 20 أغسطس الساعة 5 مساءً ويوم 21 اغسطس الساعة 7 مساءً على مسرح الهوسابير مسرحية «في قلبي أنثى عبرية» عن رواية بنفس الاسم لدكتور خولة حمدي. والعرض من تمثيل فرقة «فن محوج» والمخرج المنفذ خالد منشي وإخراج محمود عبدالعزيز.
سعر التذكرة: 50 جنيهًا صالة و30 جنيهًا بلكون.
شراء التذاكر: كل يوم من 2 إلى 10 مساءً، أو ابعت رسالة على صفحتهم من هنا، أو اتصل على 01099694559
أو من شباك تذاكر مسرح الهوسابير، أو كلم مدير المسرح على رقم 01110047340
أهلًا رمضان
مسرحية «أهلًا رمضان» بتتعرض كل يوم خميس وجمعة الساعة 10 ونص على مسرح الزعيم. وبتدور فكرتها حول بعض الإسقاطات السياسية بشكل كوميدي والمسرحية من بطولة محمد رمضان، وروجينا، وعمر السعيد، وهنا الزاهد، وحسام داغر، وشيماء سيف، وتأليف وليد يوسف، وإخراج خالد جلال.
سعر التذاكر: 50 و100 و150 جنيهًا
عنوان مسرح الزعيم: في شارع الهرم جنب شارع العريش. وعشان تعرف تفاصيل العنوان أكتر وتحجز كمان اتصل على 16826.
مسرح النهار (فيصل ندا)
أما عروض مسرح النهار، بتتعرض على مسرح (فيصل ندا) في شارع القصر العيني بوسط البلد، وتقدر تشوفها على قناة «النهار وان» كل يوم خميس الساعة 9 مساءً على تردد 11488 أفقي. ومسرح النهار بيتكون من مجموعة من الشباب الموهوبين اللي بيقدموا عروض اجتماعية مختلفة.
