دعوة لتغيير اسم كلية «الدراسات الاقتصادية» ببني سويف
أطلق الطالب بالفرقة الرابعة بكلية الدراسات الاقتصادية والعلوم السياسية جامعة بني سويف، محمد عبد الرحيم مبادرة بعنوان «أنا طالب اقتصاد وعلوم سياسية مش دراسات»، لتغيير اسم الكلية.
بدأ عبد الرحيم مبادرته من خلال ايفنت علي موقع التواصل الاجتماعي «فيس بوك»، من خلاله كتب منشورا، تضمن «أنا طالب بالفرقة الرابعة كلية الدراسات الاقتصادية، دلوقتى احنا كليتنا المفروض إنها كلية قمة بس قمة ازاى واحنا مفيش حد معترف بوجدنا واسمنا كلية الدراسات وحتى جامعة القاهرة شايفينا غير مناظرين، لازم يكون لينا موقف ده مستقبلنا ولازم يكون لينا دور ف تحديده، ومن هنا انا بعلن شعار #انا_طالب_اقتصاد_وعلوم_سياسيه وليس كلية الدراسات».
لطلاب الثانوي.. درجات كليات رياض الأطفال بالمرحلة التانية (انفوجراف)
ردود أفعال الطلابأما عن ردود الأفعال، تفاوتت الردود بين مؤيد ومعارض لفكرة المبادرة، فقالت الطالبة شروق شريف «هو ليه الموضوع دة بيكرر نفسه كل سنة، كأنه موسم يعني، هتفرق ايه كلية سياسة واقتصاد من دراسات اقتصادية، ولنفترض إن احنا سياسة و اقتصاد، اللي مدايقكم كدة اتحل يعني ؟، بدل ما نعمل ايفينتات و نخلي اللي عايز يطلعنا في خانة.. العشش والعصافير يتبسط ، فكروا تعملوا اسم للكلية دي ازاي .. بتصرفاتكم و أنشطتكم و أفكاركم».
الحد الأدنى لكليات التمريض بالمرحلة الثانية (انفوجراف)
أما الطالب محمود جمعة، علق قائلًا: «الاسم مش بيصنع مكان، بس الأشخاص كمان مش هتصنع مكان طول ما بيدور ف ذهنهم أن كليتهم مش مناظرة وكل مايروحوا مكان يسمعوا كلام مليان عنصريه سواء من طلاب القاهرة أو دكاترتهم، احنا بنطالب با أبسط حقوقنا، أرجو من زمايلي سواء بني سويف أو الإسكندريه يبطلوا استهزاء بالناس اللي بتطالب بحقها مش هتدعمهم اسكت اتفرج عليهم وبس».
