رحلات هتنسيك «ملل أغسطس»
طلعت من رمضان ودخلت في زحمة الشغل ولسه لحد دلوقتي مصيفتش وعايز تهرب من ملل أغسطس وتقضي إجازة جميلة بس مش عارف تروح فين؟
في الموضوع ده هنقولك على شوية رحلات هتفصلك من ضغطة الشغل وأهم حاجه هتنسيك ملل أغسطس :D
رحلة دهب
فريق Rove Egypt منظم رحلة هتطلع يوم الخميس 25 أغسطس هتلف فيها دهب كلها من شاطئ اللاجون لجبل الطويلات للبلو لاجون، وهتخيم كمان في محمية راس أبوجالوم.
الرحلة هتكون لـ 6 أيام، وسعرها 700 جنيه، والإقامة هتكون في غرف ثنائية وثلاثية مكيفة بحمام خاص وتليفزيون وتلاجة.. وخلال الرحلة هتعمل رحلة في البحر بالجلاس بوت، وهتروح منطقة الكيڤز وتعمل سنوركلينج، وكمان هتعمل سفاري بالبيتش باجي لوادي جني وديه رحلة اختيارية.
لو عايز تعرف تفاصيل أكتر عن الرحلة اضغط هنا، وللحجز والاستعلام ممكن تتصل على الأرقام دي:
عبدالرحمن شاكر⇐ 01062850071 / 01126711105 محمد نبيل⇐ 01110650099
رحلة شرم الشيخ
فريق Take Break هيطلعك رحلة لشرم الشيخ ودهب من يوم الخميس 25 أغسطس ليوم السبت 27 أغسطس والرحلة هتتكلف 160 جنيه بس، والسعر ده شامل الانتقالات بباصات مكيفة، وعربيات سفاري من الكانيون إلى البلوهول.
لو عايز تعرف تفاصيل أكتر عن الرحل اضغط هنا
رحلة رأس سدر
أما فريق Eventer منظم رحلة لراس سدر يوم 26 أغسطس وهتكون بـ215 جنيه.. التجمع هيكون الساعة 6 الصبح أمام مسجد النور في العباسية والتحرك هيكون الساعة 6 ونص.
برنامج الرحلة هيكون فيه أنشطة كتير زي كرة الطائرة، كرة السرعة، راكيت، كرة قدم، الشوال، وحرب الألوان، والغدا هيكون عبارة عن بوفيه مفتوح، وهيكون فيه مصور محترف لتغطية اليوم.
لو عايز تعرف تفاصيل اكتر اضغط هنا ... وللحجز والاستفسار ممكن تتصل على الأرقام دي:
01120281482
01022237990
