حفلات «آخر أغسطس».. غالية و«إسكندريلا» و«النفيخة»

لو زهقت من الفرجة على التلفزيون والقعدة على القهوة وعايز تحضر حفلات سواء غنا أو شعر أو موسيقى، بس مش عارف تروح فين.. في التقرير ده جمعنا ليك مجموعة من الحفلات اللي مستنياك خلال الأيام اللي جايه وان شاء الله تنبسط :)

غالية بن علي

غالية بن علي هتحيي حفلة غنائية الخميس 18 أغسطس الساعة 10 مساءً ، في قلعة صلاح الدين الأيوبي وده ضمن الإحتفال باليوبيل الفضي لمهرجان القلعة للموسيقى والغناء.

و«غالية» للي ميعرفهاش، هي مغنية تونسية لقبت بـ«سفيرة الغناء العربي»، وأغنية «هيمتني» من أشهر أغانيها التي تميزت بالطابع الصوفي الروحاني.

سعر التذكرة 5 جنيه وتباع التذاكر في منافذ البيع بالقلعة في نفس يوم الحفل.

موسيقى عربية

إيمان العسيلي هتقدم حفل موسيقى عربية يوم الأحد 21 أغسطس الساعة 8 مساءً بقاعة الحكمة في ساقية الصاوي.

«إيمان» بدأت في الموسيقي منذ الصغر أيام الطفولة مـع والدها، واللي كان يتمتع بصوت عزب وبيعزف آلة الكمان وآلة العود، وكانت بتشاركه الغناء كهواية، لحد ما حترفت الغناء ونجحت فيه إنها تبني ليها قاعدة جماهيرية.

سعر التذكرة 30 ج، لأعضاء الساقية و35 ج، لغير الأعضاء.

وفي نفس يوم 21 أغسطس هيكون فيه حفلة غنائية لميشيل راوندز في ساحة كايرو جاز كلوب الفنية الساعة 10 ونص مساءً.. و«ميشيل» فنانة أسترالية بتقدم جميع الألوان الغربية المتميزة كالجاز والبلوز وسبق وشاركت الفنان يحيى خليل العديد من حفلاته.

عنوان كايرو جاز 197 شارع 26 يوليو المهندسين.

عمدان النور

أما فرقة «عمدان النور» هتقدم يوم التلات 23 أغسطس حفلة غنائية، وده ضمن مهرجان القلعة اللي بتقيمه دار الأوبرا المصرية في قلعة محمد علي.

و«عمدان النور» فرقة غنائية مستقلة تأسست فى أغسطس 2011 بدعوة من الفنان يحيى نديم.

عنوان القلعة ميدان السيدة عائشة، وأقرب محطة مترو «الملك الصالح»، ومنها بتاخد مواصلة بميكروباص السيدة عائشة.. سعر تذكرة الحفل 5 جنيه.

النفيخة

فرقة «النفيخة» هتعمل حفلة موسيقية في قاعة الحكمة بساقية الصاوي يوم الخميس 25 أغسطس الساعة 8 مساءً.

وفرقة «النفيخة» تعتمد على استخدام ألات النفخ النحاسية التي تقدم من خلالها ألحان بليغ حمدي والسنباطي، وكلاسيكيات الأغاني العربية لسيد درويش ولأم كلثوم ومحمد عبد الوهاب وغيرهم من مطربين الزمن الجميل.

سعر التذكرة 30 جنيه لأعضاء الساقية و35 جنيه لغير الأعضاء. إسكندريلا

أمين حداد وفرقة «إسكندريلا» هيقدموا يوم الجمعة 26 أغسطس الساعة 8 مساءً حفلة غنائية تحت عنوان «الوقت سرقنا». والحفلة هتكون بقاعة النهر في ساقية الصاوي.

وفرقة «إسكندريلا» موسيقية مصرية تهتم بإعادة إحياء تراث الشيخ إمام و الشيخ سيد درويش.. سعر التذكرة 30 جنيه للأعضاء و35 جنيه لغير الأعضاء.

وفي نفس يوم الجمعة 26 أغسطس الشاعر محمد عبدالله حمودة هيقدم حفلته الشعرية الأولى في القاهرة الساعة 7 مساءً لحد الساعة 9 مساءً.

الحفلة هتكون بساحة «تويا» الفنية بالمعادي، وهيقدم محمد أشعاره من ديوانه «النبي دانيال».. عنوان «تويا» ٣٥شارع النصر المعادي الجديدة بجوار ألبان المالكي. وسعر التذكرة٢٠جنيه.

المولوية

ويوم السبت 27 أغسطس الساعة 7 مساءً هتقدم فرقة المولوية المصرية حفل إنشاد صوفي، والحفلة هتبقى في قاعة النهر بساقية الصاوي.

والمولوية تعتمد على المقامات الموسيقية العربية المهجورة في محاولة لاستلهام الطقوس المولوية القديمة، لإخراجها بشكل يتناسب مع روح العصر اللي بنعيشه.

سعر التذكرة 30 جنيه لأعضاء الساقية و35 جنيه لغير الأعضاء.

نسمة محجوب

نسمة محجوب هتقدم حفلة غنائية يوم الأحد 28 أغسطس الساعة 10 مساءً في قلعة صلاح الدين وده ضمن فعاليات الدورة 22 لمهرجان قلعة صلاح الدين للموسيقى والغناء اللي بتنظمها دار الأوبرا المصرية.. و«نسمة» سبق وفازت بالمركز الأول في ستار أكاديمي في نسخته الثامنة.

وفي نفس يوم ٢٨ أغسطس هيكون فيه حفلة موسيقية الساعة 8 مساءً في قاعة الحكمة بساقية الصاوي لفرقة ميوزيك فيجن.

والفرقة بتعمل على إنها تخلي الجمهور يشوف اللي بيسمعه وده من خلال المزج بين الموسيقى وأنواع مختلفة من الفنون زي عرائس الماريونت والبانتو مايم والفن التشكيلى والشعر والمونولوج والتمثيل.

سعر التذكرة للأعضاء ٢٠ جنيه ولغير الأعضاء ٢٥ جنيه.

مصطفى رزق

مصطفى رزق هيقدم حفلة غنائية يوم الأربعاء ٣١ أغسطس الساعة ٨ ونص مساءً في «درب 1718» وهتسمعوا في الحفلة موسيقى البلوز وديه نوع من أنواع الموسيقى. مصطفى رزق مطرب وملحن يقدم نوع من أنواع الموسيقى يسمى البلوز وده نوع نشأ في ولاية المسيسيبي على يد ذوي الأصول الأفريقية، وأول فيديو كليب ليه كان بعنوان «باب اللوق» واشترك بالغنا والتلحين لأغنية مداح القمر ولعب دور المداح فى مسلسل الخواجة عبد القادر مع النجم يحيى الفخرانى وإخراج شادى الفخرانى. عنوان «درب ١٧١٨» شارع قصر الشمع، الفخارين مصر القديمة، خلف الكنيسة المعلقة وبالقرب من جامع عمرو بن العاص. سعر التذكرة ٥٠ جنيهًا للإستعلام الاتصال على ٢٧٤١٢١٢٩.

روك عربي