لطلاب أولى جامعة.. غيرت محافظتك وعايز تحول لكلية تانية؟ إليك التفاصيل
خلصت الثانوية العامة من محافظة وجالك تنسيق كليتك تبع منطقتك الجغرافية، ونقلت بعد كده لمحافظة جديدة وعايز تحول، في السطور ديه هنقولك الخطوات اللى من خلالها تقدر تحول بعد تغيير محل الإقامة بتاعتك.
يعني ايه الكلام ده
يعني مثلا لو جاتلك ألسن بنى سويف وبعد كده نقلت للقاهرة وانت من وجه قبلي، وعايز تحول ألسن عين شمس، في الحالة دي أنت هتقدم التماس عن طريق الخطوات ديه:
1- تدخل على موقع الوزارة من هنا.
وتكتب مشكلتك بعد ما تدوس على «اضغط هنا للتقدم بشكوى و معرفة نتائج القدرات» وتوضح أنك عايز تحول لكلية تانية، وتثبت تغيير سكنك من خلال صورة البطاقة.
2- تروح لأقرب مكتب تنسيق في المحافظة اللى عايز تحول ليها وتقدم طلب، مرفق بكل الأوراق الي تثبت موقع سكنك الجديد.
3- لازم تتابع مع الكلية إلى أنت عايزها، ومع عميد الكلية لأن هو إلى فى أيده قرار تحويلك حسب الأعداد اللى عنده والشروط اللى بتحددها كل كلية.
