كلية تمريض.. هتتخرج وتبقى ملاك رحمة

كلية التمريض ليها قيميتها في العالم كله وبينظر إليها نظرة احترام وتقدير مختلفة عن نظرة البعض في مصر ليها.

هتتخرج من كلية تمريض بدرجة مساعد طبيب مسؤليتك متابعة المريض بصفة مستمرة، في التقرير ده «شبابيك» هيقولك كل اللي أنت محتاج تعرفه عن الكلية.

الكلية تقدر تدخلها فقط لو أنت في شعبة علمي علوم، وده لأنها تندرج تحت كليات القطاع الطبي.

الكلية موجودة في جامعات زي «القاهرة، كفر الشيخ، المنيا، أسيوط، أسوان، عين شمس وجنوب الوادي».

أكيد بتسأل نفسك دلوقتي الكلية بتاخد من كام؟

بص يا سيدي تنسيق سنة 2016/2017 كان الحد الأدنى فيه لكليات التمريض 370.5 لكلية تمريض جامعة القاهرة.

كلية تمريض مدة دراستها 5 سنين بعدها بتعمل ماجستير في التخصص اللي أنت عاوز تتخصه، وبعيدا عن التخصص المهم شطارتك في المجال الأكاديمي.

طيب إيه هي التخصصات أو أقسام الكلية؟ 

الكلية فيها حوالي 6  أقسام مختلفة

قسم تمريض جراحي باطني: واللي فيها تقدر تشتغل في مستشفايات الجراحات والباطنية المختلفة

قسم أمومة وأمراض النسا: تقدر تشتغل في مستشفيات النسا والتوليد

قسم الأطفال: تقدر تشتغل في مستشفيات رعاية الأطفال وهكذا

قسم الصحة النفسية: مجال شغلكم في المصحات النفسية ومستشفيات الأمراض العقلية

قسم إدارة خدمات التمريض.

قسم تمريض صحة المجتمع.

الشغل في آخر قسمين دول إداري وظيفتك فيه أنك تكون إداري في المستشفيات بتشرف علي الأعمال التمريضية.

 في قسم جديد مش موجود في كل الجامعات «قسم تمريض مسنين»  وده مجال شغلك فيه بيكون في رعاية المسنين في الدور المختلفة ومستشفيات أمراض الشيخوخة وهكذا.

طيب هتدرس إيه أول سنة؟ 

أول ترم ده هتدرس فيه «فسيولوجي، Bio chemistry، علم اجتماع طبي، أنتومي، إنجليزي وميكروبيولوجي».

الترم التاني هتدرس «مادة nursing عملي ونظري، communication ،English 2 yology 2، فسيولجي2، أنتومي2».

الدراسة بتكون باللغة الإنجليزية.

 كلية تمريض من الكليات اللي عشان تتقبل فيها محتاج تجتاز مقابلة شخصية.