رحلات الـ«Day use» في سبتمبر.. هتروح «السخنة» بـ99 جنيه بس
مش لاقي وقت تطلع مصيف أسبوع أو حتى 3 أيام؟ خلاص الشتاء قرب ولازم تتصرف وتطلع حتى لو يوم واحد يجدد نشاطك ويخليك ترجع تاني للشغل أو دراستك وأنت فايق.
في التقرير ده جمعنا ليك مجموعة من الرحلات اللي هتطلع في شهر سبتمبر لمدة يوم واحد بس، لراس صدر، والعين السخنة، والإسكندرية.. شوف العروض واختار هتروح فين وقضي أجازة سعيدة :) .
العين السخنة
فريق «Royal Tours» عامل رحلة «Day use» في فندق «كريتيف بيتش» في العين السخنة يوم 2 سبتمبر، وهتكون تكلفة الرحلة 225 جنيه.. وعشان تعرف الرحلة هتطلع الساعة كام وهتعمل إيه هناك ادخل هنا.
راس سدر
وفي 2 سبتمبر برضو، فريق Eventer عامل رحلة «Day use» في راس سدر، وهتكون تكلفتها 220 جنيه.
عشان تعرف تفاصيل أكتر عن الرحلة يبقى ادخل هنا.
أفريكانو بارك
حملة شباب المتحف لتنشيط السياحة منظمة رحلة سفارى لـ«أفريكانو بارك» والإسكندرية يوم 3 سبتمبر.
سعر الرحلة هيكون 159 جنيه شامل جولة كاملة داخل البارك بكل مزاراته ونزهة في الاسكندرية والانتقالات ذهاب وعودة بعربيات هاى اس مكيفة.. وعشان تعرف باقي التفاصيل اضغط هنا.
رحلة بـ99 جنيه بس
أما فريق طلاب تحيا مصر جامعة عين شمس فمطلع رحلة «داي يوز» للعين السخنة يوم 7 سبتمبر وهتكون بـ99 جنيه بس، والرحلة هتكون مدعمة من طلاب تحيا مصر وعشان تعرف تفاصيلها اضغط هنا.
الإسكندرية
وبمناسبة عيد الأضحة، فريق Royal Tours عامل رحلة لإسكندرية يوم 9 سبتمبر بـ100 جنيه. وفي الرحلة هتزور قلعة قايتباي ومتحف الاحياء المائية ومكتبة الاسكندرية وهتتصور عندها
لو عايز تعرف تفاصيل أكتر عن الرحلة اضغط هنا
