بتوصل لـ70%.. الحق استفيد بخصومات «آخر الصيف» على الملابس
«لبس الصيف هاتو آخر الصيف، ولبس الشتاء هاته آخر الشتاء».. أكيد سمعت الكلام ده من ناس تعرفها عشان توفر فلوس وانت بتشتري لبسك بس يا ترى عملت كده؟
طيب الصيف خلاص قرب يخلص وفيه محلات كتير ابتدت إنها تعمل خصم على الحاجات اللي عندها، فلو ناوي تشتري لبس الصيف اللي جاي خد قرار بسرعة واقرا الموضوع ده عشان تعرف أبرز المحلات اللي عامله خصومات والحق اشتري اللي إنت عايزه.
Mark and spenser
المحل عامل خصم من 50 لـ70 %، على اللبس على حسب الخامة والموديل. والمحل موجود في مول سيتي ستارز، مكرم عبيد مدينة نصر.
بالنسبة لملابس البنات.. في تيشرتات سادة قبل الخصم كانت 125 جنيه وبعده بقت 60. 
ونفس الحال بالنسبة للبلوزات المنقوشة فيه منها اللي قبل الخصم كان 365 جنيه وبعده بقى 185.
والبنطلونات الفورمل خامة فيسكوز فيه منها اللي قبل الخصم 275 جنيه وبعده بقى 95.
أما البنطلونات الكاجول فيه منها اللي قبل الخصم كان 450 جنيه وبعده بقى 225.
والفساتين السادة القطن الطويلة فيه منها اللي قبل الخصم كان 450 جنيه وبعده بقى 210.
أما بالنسبة لملابس الولاد.. التيشرتات البولو قبل الخصم كانت 425 جنيه وبعده بقت 260
التيشرتات العادية بقى فيه منها اللي قبل الخصم كان بـ175 جنيه، وبعده بقى 85 جنيه.. وبرضو في اللي كان بـ315 قبل الخصم، وبعده بقى بـ155 جنيه.
الجينز بقى فيه اللي قبل الخصم كان 625 جنيه وبعده بقى 195ج.. وفيه برضه اللي كان بـ650 جنيه وبعد الخصم بقى 375.
Ravin
أما في «Ravin» فالخصم بيبدأ من 10 % لحد 70 %.. والمحل للي ميرفوش موجود برضو في مول سيتي ستارز في مكرم عبيد، مدينة نصر.
بالنسبة لملابس البنات.. التيشرتات بيبدأ سعرها بعد الخصم من 49 جنيه والبلوزات والشيميزات من 89 جنيه
أما الكارديجان فبيبدأ من 30 جنيه
بالنسبة لملابس الولاد.. التيشرتات برضه بيبدأ سعرها بعد الخصم من 40 جنيه والقمصان الكم من 70 جنيه، والنص كم من 40 جنيه.
Nike
أما «Nike»، فعامل خصم 20 % على بعض الملابس والأحذية في فرعه في مول سيتي ستارز مكرم عبيد، مدينة نصر.
بالنسبة لملابس البنات.. التيشرت الكات فيه اللي كان بـ249 وبعد الخصم بقى 199 جنيه
وفيه بنطلون قطن درايفت خامته بتمتص العرق كان بـ599 جنيه وبعد الخصم بقى بـ479
أما الأحذية فيه اللي قبل الخصم كان بـ799 وبعده بقى 639.
بالنسبة لملابس الولاد.. فيه تيشرت كان سعره 499 جنيه وبعد الخصم بقى 399 جنيه.
أما الأحذية في اللي كان قبل الخصم بـ799 حنيه، وبعد الخصم بقى 639
المحل موجود في مول سيتي ستارز.
Lc wakiki
أما «Lc wakiki» فالخصم عنده من 30% لـ50% وهيوصل لـ 70% في نص شهر 9 تقريبا، والخصم نازل على ملابس البنات والولاد.
بالنسبة لملابس البنات.. فيه بلوزات كانت بـ750 جنيه وبقت بعد الخصم ب 260 جنيه.
والتونيك كمان فيه منه اللي كان بـ750 وبقى بـ370.
والتيشرتات فيه منها اللي كان بـ450 جنيه وبقى بـ230 جنيه
أما بالنسبة لملابس الولاد.. التيشرتات فيه منها اللي كان بـ260 وبعد الخصم بقى بـ120 جنيه.
والبنطلون اللي كان بـ670، بقى بـ350 جنيه. وفيه بنطلونات سعرها بعد الخصم بقى بـ119 وبـ179 جنيه كمان.
والقميص فيه منه اللي كان بـ990 جنيه وبقى بـ350 جنيه
المحل موجود في مول جنينة مول في شارع البطراوي مدينة نصر.
