خروجتك عندنا.. «ملاذ» و«خيال» في الساقية النهارده

صباح الورد.. النهارده الخميس وبكرة أجازة يعني أنتخة.. وبما إن بكرة أجازة فأكيد بتفكر في خروجة حلوة النهارده وعشان كده بنرشحلك تحضر حفلة «روك عربي» لفرقة «خيال» الموسيقية وفرقة «ملاذ» لساعة 7 ونص مساءً في قاعة النهر بساقية الصاوي.

وفرقة «خيال» ابتدت من حوالي سنة وبتشوف إن الخيال ده من أجمل الحاجات اللي الإنسان يقدر يعملها.

وبتبدأ الفرقة تتخيل قصة أو مشهد واقعي أو غير واقعي ويستخدموا خيالهم في كلماته وتلحينه علشان يوصل للناس في صورة خيال. 

أما «ملاذ» فبدأت سنة 2014 على يد الملحن محمد عبد الرازق بهدف نشر لون الروك العربي الموسيقي. سعر التذكرة 35 جنيه.