«اختار اللي على مزاجك».. قائمة بأبرز حفلات «الأوبرا» في سبتمبر
دار الأوبرا المصرية كعادتها بتقدم كل شهر مجموعة من الحفلات المختلفة سواء حفلات موسيقية أو غنائية، اللي تقدر من خلالها تختار الحفلة اللي على مزاجك.
في التقرير رصد لأبرز حفلات الأوبرا خلال شهر سبتمبر، عشان تختار الحفلة اللي تعجبك وتروحها :)
فرقة الموسيقى العربية للتراث
فرقة الموسيقى العربية للتراث هتحيي يوم الأحد 4 سبتمبر الساعة 8 بالليل في مسرح الجمهورية حفلة بمناسبة ذكرى وفاة سيد درويش، بالاشتراك مع نجوم الفرقة أحمد محسن، عاطف عبد الحميد، ياسر سليمان ، محيى صلاح، مازن عادل، أحمد صبري، نهى حافظ، وحنان عصام..
الحفل بقيادة محمد إسماعيل الموجى.. وأسعار التذاكر 25 - 15 - 10 ج.
فرقة المصريين
أما يوم الخميس 8 سبتمبر، فهتكون فيه حفلة لفرقة المصريين بقيادة هاني شنودة، الساعة 8 بليل في المسرح المكشوف؟
فرقة المصريين بتتكون من سارة الهواري، وجدان، سارة مدحت، زجزاج إسلام عطية، أحمد سيد، ومحمد توت.. وهتقدم الفرقة مجموعة من أغانيها وأغاني نجاة، عمرو دياب، محمد منير. سعر التذكرة 35 جنيه.
موتسارت وفيردي وبوتشيني
وفي 8 و9 سبتمبر، هيكون فيه سهرة موسيقية مع مجموعة من أعمال «موتسارت» و«فيردي» و«بوتشيني»، هتقدمها فرقة أوبرا القاهرة في المسرح الصغير.
أسعار التذاكر: 10 - 20 جنيه.
أوبرا الإسكندرية للموسيقى والغناء العربى
الفرقة القومية العربية للموسيقى
يوم الخميس 8 سبتمبر برضو، هيكون فيه حفلة في مسرح الجمهورية الساعة 8 بليل للفرقة القومية العربية للموسيقى والحفلة دي بمناسبة ذكرى وفاة الموسيقار بليغ حمد.
أسعار التذاكر هتكون: 75- 50 - 35 ج.
ريسيتال جيتار
الفنان إلهامي خورشيد، هيقدم يوم الجمعة 9 سبتمبر الساعة 8 بليل في المسرح المكشوف، باقة من أعمال عمر خورشيد، فريد الأطرش.. و«خورشيد» عازف جيتار يعشق عزف أغاني الزمن الجميل.
سعر التذكرة هيكون 15 جنيه.
فرقة عبدالحليم نويرة للموسيقى العربية
الجمعة 9 سبتمبر الساعة 8 بليل فرقة عبدالحليم نويرة للموسيقى العربية هتعمل حفلة إحياءا لذكرى محمد فوزي، وفايزة أحمد. وهتقدم الفرقة من خلال الحفلة مجموعة من أشهر أغانيها تحت قيادة صلاح غباشي.
أسعار التذاكر 100- 75 -50 ج.
أوركسترا القاهرة السيمفوني
كورال سيد درويش
أما يوم الخميس 15 سبتمبر الساعة 8 بليل فهيحيي كورال سيد درويش حفلة غنائية في مسرح سيد درويش بنادى الإسكندرية الرياضي.
فرقة فريد البابلي
يوم الجمعة 16 سبتمبر الساعة 8 بليل في المسرح الصغير فرقة الموسيقار العراقي فريد البابلي هتعمل حفلة هتقدم من خلالها مجموعة من ألحان الموسيقار محمد عبد الوهاب وفريد الأطرش.
أسعار التذاكر 10- 15 ج.
حفل موسيقى ..وحيد ممدوح
يوم السبت 17 سبتمبر الساعة 8 بليل في المسرح المكشوف هتكون فيه حفلة لوحيد ممدوح أشھر عازفي الجيتار في الوطن العربي وسبق ليه وعزف مع شيرين وھاني شاكر و وائل جسار وغيرهم. سعر التذكرة 35 جنيه.
فرقة أوتار الكلمات للموسيقى العربية
وفي 17 سبتمبر برضو الساعة 8 بليل هيكون فيه حفلة في مسرح الجمهورية لفرقة أوتار الكلمات للموسيقى العربية اللي هتقدم أغاني من كلمات وألحان الدكتورة منال عفيفي.
أسعار التذاكر 35 - 25 جنيه.
أوركسترا عمر خيرت
يوم الأحد 18 سبتمبر
الموسيقار عمر خيرت هيعمل حفلة في المسرح الكبير، يوم الأحد 18 سبتمبر، الساعة 8 بليل وكمان هيعمل حفلة يوم الإتنين 19 سبتمبر، الساعة 8 بليل في نفس المسرح.
أسعار التذاكر هتكون: 300 - 250 - 150 ج.
وهابيات
وبرضو يوم الأحد 18 سبتمبر الساعة 8 بليل هيكون فيه حفلة هيتقدم فيها مجموعة من أغاني موسيقار الأجيال محمد عبد الوهاب في معهد الموسيقى العربية وسعر التذكرة هيكون 75 جنيه.
منيب باند
يوم الخميس 22 سبتمبر فرقة «منيب باند» هتقدم حفلة الساعة 8 بليل في المسرح المكشوف وسعر التذكرة هيكون 35 جنيه.
فرقة الإنشاد الديني
أما يوم الجمعة 23 سبتمبر فهيكون فيه حفلة لفرقة الإنشاد الديني الساعة 8 بليل على مسرح الجمهورية.
أسعار التذاكر: 25 - 15 - 10 جنيه.
فرقة ميوزفوريا
يوم السبت 24 سبتمبر فرقة «ميوزفوريا» اللي بتقدم موسيقى بتجمع بين الكلاسيكية والحداثة هتقدم حفلة الساعة 8 بليل على المسرح المكشوف وسعر التذكرة 25 جنيه.
عزة بلبع
يوم الأحد 25 سبتمبر الساعة 8 بليل هيكون فيه حفل غنائي فرنسي لعزة بلبع على المسرح المكشوف وسعر التذكرة 35 جنيه.
كلثوميات
وفي 25 سبتمبر برضو، هيكون فيه حفلة «كلثوميات» الساعة 8 بالليل، هيتقدم فيها مجموعة من أغاني كوكب الشرق في معهد الموسيقى العربية، وأسعار التذاكر 75 جنيه.
عرض عشم ابليس
من يوم التلات 27 سبتمبر، لحد يوم الخميس 29 سبتمبر، فرقة الرقص المسرحى الحديث، هتقدم عرض «عشم إبليس» في مسرح الجمهورية الساعة 8 بالليل.
باليه سبارتاكوس
عشاق الباليه، ميعادهم يوم 28 و29 سبتمبر، مع فرقة باليه أوبرا القاهرة، اللي هتقدم باليه سبارتاكوس، على المسرح الكبير الساعة 8 بليل.
أسعار التذاكر هتكون 100 -75 -50.
فرقة عبد الحليم نويرة للموسيقى العربية
يوم الخميس 29 سبتمبر فرقة عبد الحليم نويرة للموسيقى العربية هتقدم حفلة الساعة 8 بليل في مسرح سيد درويش. وكمان هتعمل حفلة يوم الجمعة 30 سبتمبر الساعة 8 بليل في مسرح دمنهور.
فرقة الموسيقى العربية للتراث
يوم الجمعة 30 سبتمبر فرقة الموسيقى العربية للتراث هتقدم حفلة في مسرح الجمهورية الساعة 8 بالليل.
أسعار التذاكر 25 - 15 - 10 ج.
يحيى خليل
ويوم الجمعة كمان هيكون فيه حفلة لعازف الجاز يحيى خليل الساعة 8 بليل في المسرح الصغير.. سعر التذكرة 50 جنيه.
