رئيس اتحاد طلاب المنوفية: احنا في دولة بتستهزأ بينا

قال رئيس اتحاد جامعة المنوفية، الطالب عمرو الشريف: «احنا في دولة بتستهزأ بينا حرفيًا.. بتتعامل معانا على اننا عيال مالناش قيمة.. لا قضاء، ولاحكومة، ولامجلس نواب بينصفنا».

وحكى رئيس الاتحاد، عبر صفحته بموقع التواصل الاجتماعي «فيس بوك»، عن مواقف جمعته بوزير التعليم العالي الدكتور أشرف الشيحي، منها انتخابات اتحاد طلاب مصر، قائلًا: «وقتها الوزارة كانت بتدعم طلبة اسمهم "صوت طلاب مصر" وبعد ما الطلبة دول خسروا.. حل اتحاد طلاب مصر، وبالتالي القوة السياسية للاتحاد اتدمرت تقريبًا».

وذكر أنه «عندما اجتمع برؤساء اتحادات الجامعات ونوابهم في مقر الوزارة، حصل مشادات كتيرة وقتها وكان اغرب كلمة اتقالت "انا الوزير وانا اللي اقعد هنا لوحدي واللي مش عاجبه يسيب الاجتماع ويمشي" ومش بس كده، دا قال ان " احنا عملنا انتخابات اتحادات طلاب الكليات والجامعات على لايحة 2007، وعملنا انتخابات اتحاد طلاب مصر على لايحة 2013، وبكده يبقى عملنا Mix بين اللايحتين".. اه والله قال كده».

وطالب بـ«محاكمة الوزير على إصداره التصريحات على دون وجود حكم قضائي يبقى المفروض يتحاكم بتهمة مخالفة القوانين».