رئيس التحرير أحمد متولي
 لو نفسك تمثل.. الكتب دي هتعلمك بدون معلم

لو نفسك تمثل.. الكتب دي هتعلمك بدون معلم

لو نفسك تمثل وعايز تقرأ كتب تفيدك، هتلاقي في الموضوع ده كتب هتعلمك فن التمثيل، وبينصحك بيها الكاتب عبد الغني داوود.
«داوود» بيقولك إن الكتب دي عامل مساعد ليك، والأساسي عندك هو إنك لازم تمرن نفسك عملي على التمثيل من خلال إنك تروح ورش محترفة تدربك على إنك تكون ممثل شاطر.
إعداد الممثل

المخرج المسرحي كونستانتين ستانيسلافسكي في الكتاب ده هيعلمك إزاي تكون ممثل قادر على تجسيد أي شخصية بطبيعية، وده هيتم من خلال بعض التمارين المسرحية اللي هيدربك عليها.
زي إزاي تقدر تحرر عضلاتك عشان تعرف تكون خفيف على المسرح مش حاسس إنك متكتف وأنت بتمثل كمان، إزاي تقدر تدرب نفسك على إنك تؤدي الدور بصدق وغيرها من التفاصيل اللي هتحتاج تعرفها من هنا عشان تكون ملم بكل ما يخص اعدادك كممثل.

أنت هتمثل؟.. طيب هي دي التمارين على المسرح


فن الإلقاء

في كتاب النجم عبد الواراث عسر هتتعلم مخارج الحروف وصفاتها، والسكتات، والتمبو، أو ايقاع الكلام، وده عشان تعرف تقول الجملة اللي أنت بتمثلها بمخارج حروف صحيحة وبطريقة ايقاعية غير مملة. وهتتعرف برضه من هنا على تاريخ الإلقاء عند العرب والأوروبيين وده عشان يكون عندك معلومات عن تاريخ الإلقاء.
اقرأ أيضا: أنت هتمثل؟.. طيب هي دي التمارين على المسرح


مدارس الأداء التمثيلي في تاريخ السينما المصرية

الكاتب عبد الغني داوود بيعرفك في الكتاب ده على مناهج الأداء في المسرح والسينما، وطرق التمثيل المختلفة اللي كانت بتميز أداء الممثلين، ومن الطرق دي ممكن تلاحظ إن أدائك فيه من روح فنان ما فتتعلم منه إزاي قدر يطور الأداء بتاعه ويوصل بيه لمكانة تمثيلية متميزة. تقدر تقرأ الكتاب من على اللينك ده وتحمله عن طريق الاشتراك في الموقع اللي عليه الكتاب.


مسرح الشارع 

أما الكتاب ده فهيعرفك إزاي تقدر تمثل فيما يعرف بمسرح الشارع، وده من خلال بعض التمارين المسرحية اللي بيعلمك فيها إزاي تستخدم كل المهارات عشان تجذب جمهور الشارع لمشاهدتك.  
والكتاب ده هيفيدك في إن هيكون عندك فكرة عن المتطلبات اللي المسرح ده عايزها، بحيث لو اتعرض عليك إنك تعرض مسرحية في الشارع تكون واثق إنك هتمثلها بشكل جيد. سجل على الموقع  ده واقرأ الكتاب.

للراغبين في التمثيل.. هذه الأماكن تؤهلك

 

 

 

 

 

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»