نفسك تروح تعرف أكتر عن أوروبا.. يبقى تملى استمارة من هنا

الاتحاد الأوروبي هو أكبر وأهم جمعية دولية تضم 28 دولة أوربية، ومن أهم مبادئ الاتحاد الأوروبي نقل صلاحيات الدول القومية إلى المؤسسات الدولية الأوروبية. 

طيب لو نفسك تبقي عضو في الاتحاد الأوربي يبقى أنت جيت للموضوع الصح. لأننا هنعرفك على نموذج محاكاة الاتحاد الأوروبي، وهو نموذج محاكاة تابع لكلية الإقتصاد والعلوم السياسية في جامعة القاهرة، وتأسس عام 2000.

ايه الهدف من النموذج ده؟

1- التعرف على الاتحاد الأوروبي وقضاياه المختلفة سواء سياسة أو اقتصادية، وحقوقة وغيرها.

2- تنمية المهارات: خلال المحاضرات اللي بتاخدها في النموذج ده هتتعلم مهارات زي أنك ازاي تتكلم قدام الناس، أو ازاي تقنع اللي قدامك وتنظم وقتك، فهو بيحاول يربط بين سوق العمل والمهارات اللي هتحاجها.

طيب هو عبارة عن ايه؟

النموذج بينقسم للجنتين: أكاديمية وتنظيمية.

أولا: اللجنة الأكاديمية

ودي بتضم 5 لجان زي اللجنة السياسية، والحقوقية، والاجتماعية. واللجان دي بتناقش مواضيع مختلفة: سياسية، واجتماعية، وإقتصادية، وقضائية تخص أوروبا.

ثانيا: اللجنة التنظيمية

وهي اللي بتساعد في بناء وتنظيم النموذج، ومن خلال تنظيم المواعيد مع الجامعة، ودراسة الميزانية للنموذج والحوار مع سفارات و شركات ورعاة للنموذج.

اللغة اللي هتدرس بيها في النموذج

فيه 4 لجان باللغة الإنجليزية، واللجنة الخامسة باللغة الفرنسية، وده يعتبر النموذج الوحيد في مصر اللي بيدخل فيه اللغة الفرنسية لأن نموذج الإتحاد الاوروبي هو النموذج الوحيد في مصر اللي فيه لجنة بالفرنسية.

ولو حابب تعرف أكتر عن النموذج دي الصفحة الخاصة بيهم من هنا 

أو ممكن تروح تملي استمارة من المكان المخصص ليهم قدام كلية الاقتصاد والعلوم السياسية.