للطلاب.. حكام الغد هيخليك رئيس جمهورية ودبلوماسي

لو في يوم حابب تبقي رئيس جمهورية، أو وزير في الحكومة، أو قنصل في مصر يبقي أنت جيت المكان الصح، نموذج «leaders of tomorrow» أو نموذج حكام الغد.

مين حكام الغد؟

هو نموذج محاكاة  يعمل على تأهيل طلاب الجامعات لتولي المناصب القيادية بمصر.

طيب إيه الهدف منه؟

 يقوم بإنشاء قاعدة من الكفاءات الشبابية وتهيأهم على العمل السياسي، الإداري والمجتمعي بالاضافة إلي الوعي السياسي والاقتصادي على أسس علمية وموضوعية بين الشباب.

طيب بيتكون من ايه ؟

اقولك يا سيدي النموذج بيتكون من 5 مجالس

رئاسة الجمهورية

اللجنة دي بتعمل علي محاكاة مؤسسة رئاسة الجمهورية من أول اختصاصته ووضعه في النظام السياسة المصري ومعرفة صلاحيته ومدراسة آليات صنع القرار ووضعية القصر الرئاسي كمان بيتم دراسة النظم السياسية المختلفة.

2-مجلس الوزراء

مجلس بيختص بمحاكاة الوزارات و الأجهزة اللي عندها طبيعة سيادية زي الـ«وزارة الدفاع- الداخلية- المخابرات» وكمان محاكاة وزارة الشباب والرياضة والتعليم والصحة.

3-مجلس الشئون الإقتصادية

والمجلس ده  بقى بيحاكي الوزارات المصرية اللي ليها زي «وزارىة الاستثمار والمالية والتجارة والصناعة والتموين والكهربا» وكمان المؤسسات غير الوزارية اللي بتأثر على الوزارات الاقتصادية زي البنك المركزي والبورصة وهتتعلم فيه كمان  ازاي  تحل القضايا الاقتاصدية المصرية الي بتواجه مصر.

4-العلاقات الدبلوماسية والقنصلية

وده بقى بيختص بمحاكاة وزارة الخارجية والدبلوماسية وهتتعلم فيه إزاى بتكون العلاقات الاستراتيجية لمصر مع الدول المختلفة، وبتناقش كمان الملف الإفريقي ودول حوض النيل وإزاي تعزز العلاقات دي.

5-المجالس المحلية

ده بقي آخر مجلس وده بيهتم بمحاكاة المحليات في مصر من تكوينها وهيكلتها ووضعها في الدستور.

طيب عرفت كل حاجة عن النموذج تشترك ازاي

اولا دي الصفحة بتاعتهم علي الفيس و تقدر تتواصل معاهم، ولو أنت في جامعة القاهرة مكانهم جنب كلية الاقتصاد ولعلوم السياسة تقدر تروح وتقدم في الانترفيو.