للطلاب.. عاوز تبقى برلماني قد الدنيا «EPM» هتقولك الطريقة

لو حلمك في يوم من الأيام  تبقي عضو في البرلمان  المصري، وتبقي نائب قد الدنيا ونفسك  تتأهل كويس لده  يبقي أنت جيت المكان الصح  «نموذج محاكاة مجلس النواب أو الـ «EPM».

ايه بقي النموذح ده؟

هو نموذج  محاكاة لمجلس النواب المصري وهو موجود بكلية الاقتصاد والعلوم السياسية بجامعة القاهرة، هو نموذج بدأ  من العمل الميدانى نزل اعضاءه كمراقبين ومتابعين لانتخابات برلمان 2015 وعقد النموذج الندوات لمناقشة الانتخابات.

طيب ايه الهدف منه؟

الهدف منه هو تخريج كوادر شبابية قادرة أنها تبقي أعضاء في البرلمان وده عن طريق 8 جلسات خلال السنة  بيقوم من خلالها نشر الوعي البرلماني.

طيب ايه اللجان اللي بيتكون منها النموذج؟

النموذج بيتكون من 4 لجان

أولا: لجنة الشؤؤن الاقتصادية

وهي لجنة مختصة بمناقشة عدة قضايا زي «السياسة الأقتصادية-الأتمية والقروض- شؤؤن التجارة الخارجية-التشريعات والاتفقايات الاقتصادية...» وغيرها من القضايا اللي بتخص الوزارات والاجهزة المختصة بالاقتصاد والتعاون الأقتصادي.

ثانيا: لجنة الدفاع والأمن القومي والتعبئة القومية

واللجنة دي بتتناول أمن الدولة الخارجي ومكافحة الجريمة وشؤوون القوات المسحلة والتشريعات المتعلقة بضباط وأفراد القوات المسحلة وغيرها من المسائل   التى في اختصاص الوزارات والأجهزة المختصة بالدفاع والشؤؤن الداخلية والأمن العام.

ثالثا:لجنة حقوق الانسان

أما دي بقي فهي باينة من أسمها هتختص بالتشريعات المختصة بحقوق الانسان والقوانين الدولية والشكاوي التى تقدم من المواطنين فيما يتعلق بحقوق الانسان.

رابعا:لجنة الشؤؤن العربية

ودي هتختص بدراسة العلاقات مع الدول العربية وشؤؤن جامعة الدول العربية ومنظمتها والاتفاقيات.

طيب أقدم ازاي؟

هما موجدين كل يوم جنب كلية الاقتصاد والعلوم السياسة جامعة القاهرة تقدر تروح وتقدم وتعمل انترفيو ولو اتقابلت مبروك انت كدة بقيت معاهم.