طلاب جامعة القاهرة يشتكون من أسعار المطاعم.. و«العمدة» يقترح الحل
في الأيام القليلة الماضية وبالتزامن مع القرارات الاقتصادية المرتبطة بتعويم الجنيه، ارتفعت أسعار المأكولات في كافيتريات جامعة القاهرة، مما تسبب في شكاوى الكثير من الطلاب.
وصرح رئيس جامعة القاهرة جابر نصار، إعلاميا، بتخفيض أسعار المأكولات بالجامعة بما قيمته 10%، "للتخفيف على الطلاب".
«شبابيك» تحدث مع مديري بعض مطاعم جامعة القاهرة، للوقوف على حقيقة تخفيض أسعار المأكولات طبقا لتصريح رئيس الجامعة.
المفاجأة كانت في مبادرة أصحاب الكافتريات بالشكوى من ارتفاع أسعار الإيجارات قرابة الضعف بالتزامن مع رئاسة جابر نصار للجامعة قبل ثلاثة أعوام.
الطلاب يشتكون من زيادة الأسعار: كل حاجة غليت
واشتكى طلاب بجامعة القاهرة من ارتفاع ملحوظ للأسعار في بعض الكافتريات خاصة «تمر حنة» المجاورة لكلية الإعلام.
الطالبة أميرة محمود تقول: « كل حاجة غليت من أول السنة الجديدة، مش عارفة ممكن يزودوا إيه تاني بعد اللي بيحصل ده».
«ياريت رئيس الجامعة فعلا يخفض الأسعار بدل اللي احنا فيه ده، مفيش رقابة وكل واحد ماشي بمزاجه» هذا ما يطلبه محمد إبراهيم الطالب بكلية التجارة.
الكافتريات: الجامعة سبب زيادة الأسعار
يستنكر مدير إحدى المطاعم ما قاله رئيس الجامعة عن تخفيض الأسعار: « نخفض ايه بس احنا بندفع مليون جنيه على كل سنة إيجار المكان، لو عايزين كده يخفضوا الإيجار».
أحمد إبراهيم، موظف بكافتريا كلية الحقوق يقول: «رئيس الجامعة ليه يتدخل في كل حاجة تخص الجامعة، لكن بيطلب مننا نخفض.. احنا المفروض نزود.. هنعمل إيه الأسعار عالية علينا».
هاجم أحد العمالين بكافتريا أوركيديا مسئولي الجامعة: «كل المسؤلين بيدوا تصاريح وهمية وبتوع مكاتب».
العمدة يقترح حلا لتخفيض الأسعار
مطعم العمدة الأرخص بالجامعة ولم يرفع الأسعار منذ 3 سنوات.
مدير عام سلسلة مطاعم العمدة حسن عبد الحميد اقترح حلا للجامعة يرى أنه يساهم في تخفيض الأسعار، من خلال مطالبته بتقليل القيمة المالية للإيجار السنوي الذي تتقاضاه الجامعة في مقابل العمل لـ180 يوما.
تدفع مطاعم العمدة 700 ألف جنيه سنويا لإدارة الجامع.، يقترح مدير المطعم هنا أن توزع الجامعة «بونات» على الطلاب لصرف القيمة المالية من المطعم بدلا من أن تدخل الخزينة مما يساهم في تخفيف العبء على الطلاب.
واشتكى «حسن» من ارتفاع أسعار العمالة: «في عمالة عندي اللي كان بياخد 1000 بقا بياخد 1500 ومحدش عايز يشتغل، ساندوتش الشاورما بـ14 جنيه، أشيل قيمة الإيجار 5 جنيه ونص، اتبقي 8 ونص، العيش بـ50 قرش، نحن نعاني من تحصيل القيمة الإدارية والفواتير والعمالة».
الجامعة للكافتريات: اللي مش هيلتزم مش هيستمر
تضم جامعة القاهرة أكثر من 10 كافتريات تدفع سنويا إيجارات بمتوسط 10 ملايين، هذا ما يؤكده مديري المطاعم ممن تحدثوا لشبابيك.
إلا أن المستشار الإعلامي لجامعة القاهرة فتحي عباس نفى دفع الكافتريات مليون جنيه سنويا مؤكدا أن كافتريا العمدة هي أغلى إيجار بالجامعة وتكلفتها 700 ألف جنيه، وطالب المتضررين من ارتفاع الإيجار التقدم بشكاوي.
وأضاف عباس لـ«شبابيك» أن رئيس الجامعة شدد على قرار تخفيض أسعار الكافتريات مراعاة لظروف الطلاب، مؤكدا إخطار أصحاب الكافتريات بذلك: «اللي مش هيلتزم مش هيستمر».
فيما نفى مسئولو المطاعم وصول أي اخطار رسمي لهم يتعلق بتخفيض الأسعار.
