لطلاب وشباب أسيوط.. 7 كافيهات قريبة منك وهتروق بالك

كافيهات كتير بتتفتح في أسيوط وشباب كتير ممكن ميكونش عارف المناسب ليه من ناحية طبيعة المكان أو الفلوس والخدمة، جمعنالكم هنا أكتر 7 كافيهات تقدروا تدخلوهم وتختاروا اللي يناسبكم.

شركة كوفي شوب ( COFFEE SHOP COMPANY)

دي شركة فرنشايز عندها ٤٧٠ فرع في العالم، ٣٥ فرع في القاهرة، مكانه في أسيوط بجوار مطعم كاستن بالشارع الخلفي للمحافظة، وزي ما قالنا مدير الفرع  فالمكان بيمشي بسيستم معين في طريقة عمله، والمنيو مختلف عن أي مكان في أسيوط، وبيتم عمل خصومات مع شركات وفرق من ٥ إلى ١٥ %، الكافية أسعاره غالية شوية،  المكان واسع وفيه إنترنت، وقاعة كاملة خاصة بالعائلات والمجموعات.

ودا رقم الدليفري الخاص بيهم، تقدر تتواصل معاهم  في أي وقت وتستفسر ٠١٠٩٩٩٧٩٧٩٩

بيم  BEAM

الكافية ده اللي بيميزه كما وصفه مدير المكان أن الأسعار أقل من غيره، بيقدم حلويات ومشروبات وعصائر، بيشتغل ٢٤ ساعة، والعاملين مدربين، ونظام الإضاءة والديكور مميز.

موجود في الشارع المقابل لفرع فودافون، 43ش خالد بن الوليد من ش الجمهورية.

فريسكو

رواد المكان ده بيقولوا إن فيه هدوء وبساطة، بيقدم خدمة واي فاي،وفيه اماكن لإقامة حفلات أعياد ميلاد وأماكن مخصصة للمجموعات، وتوجد خدمة الدليفري أيضًا.

موجود في شارع الكورنيش بالشارع المقابل للهابي دولفين.

جروبي

كافية بيتمتع بمميزات مختلفة من بينها الخدمة المتميزة، الكافية بيتيح إقامة حفلات أعياد الميلاد الصغيرة، أسعاره متوسطة

يوجد بجوار فندق كازابلانكا بأسيوط.

كافيه تويتي

كافيه بيتميز بأنه واسع وهادي بيقدم أكل مع المشروبات، تقدر تروح أنت وأصحابك، وفي الشتاء بيقدم مشروبات مختلفة.

مكانه بجوار مكتب التجنيد بشارع الجمهورية.

كافيه ديليشز

 الكافية ده مميز بانه بيعرض رسومات فنية، وبيعمل حفلات للشباب دون عائد، ودايما فيه معرض صور، وبيعمل إيفينتات للمرأة بالتعاون مع جمعية هن، وحفلات لتوقيع الكتب، وفيه ألعاب زي الشطرنج وكونكتذفور، سوبر ماستر مايند، ومكتبة بها العديد من الكتب.

الكافيه خلف النساجون الشرقيون ش الحسن والحسين بشركة فريال

فيينا كافية

كافية مفتوح فيه جزء خاص بالبلاستيشن تقدر تلعب مع أصحابك وكمان بلياردو.

المكان خلف مساكن الأزهر بجوار سور جامعة الأزهر.